ທູຕານຸທູດ-ອົງການຈັດຕັ້ງສາກົນ ເຂົ້າອວຍພອນ
ການນໍາຂັ້ນສູງພັກ-ລັດໂອກາດວັນຊາດທີ 2 ທັນວາ
....................................................................................
ໃນວັນທີ 29 ພະຈິກ 2019 ຢູ່ທໍານຽບປະທານປະເທດ ບັນດາທູຕານຸທູດແລະຜູ້ຕາງໜ້າອົງການຈັດຕັ້ງສາກົນປະຈໍາລາວໄດ້ເຂົ້າອວຍພອນ ທ່ານ ບຸນຍັງ ວໍລະຈິດ ປະທານປະເທດ ພ້ອມພັນລະ ຍາ ແລະ ການນໍາຂັ້ນສູງພັກ-ລັດ ເນື່ອງໃນໂອກາດວັນສະຖາປານາສປປ ລາວ 2 ທັນວາ ຄົບຮອບ 44 ປີ (2/12/1975-2/12/ 2019) ແລະ ປີໃໝ່ສາກົນ 2020 ທີ່ຈະມາເຖິງນີ້.
ທ່ານ BELINDA M.ANTE ເອກອັກຄະລັດຖະທູດແຫ່ງສາທາ ລະນະລັດຟີລິບປິນ ປະຈໍາລາວ ທູດອາວຸໂສຕາງໜ້າໃຫ້ທູຕານຸທູດ ແລະ ຜູ້ຕາງໜ້າອົງການຈັດຕັ້ງສາກົນປະຈໍາລາວໄດ້ຂຶ້ນກ່າວສະແດງຄວາມຊົມເຊີຍຕໍ່ຜົນສໍາເລັດທີ່ປະເທດຊາດຍາດມາໄດ້ຕະຫຼອດໄລຍະ 44 ປີຜ່ານມາ ເສດຖະກິດຂອງລາວຄາດວ່າຈະໄດ້ຮັບການຟື້ນຟູ ເຖິງວ່າຈະຍັງສືບຕໍ່ມາດຕະຖານຮັດກຸມທາງດ້ານງົບປະມານ ແລະ ຄວາມຜັນຜວນຂອງເສດຖະກິດໂລກ ທະ ນາຄານໂລກໄດ້ລາຍງານໃນຕົ້ນປີນີ້ວ່າ: ລາວເປັນໜຶ່ງໃນບັນດາປະເທດທີ່ມີເສດຖະກິດຂະຫຍາຍຕົວໄວສູງສຸດໃນອາຊີຕາເວັນອອກ ແລະ ປາຊີຟິກ ແລະ ໃນຊຸມປີຜ່ານມາຍັງມີຄວາມກ້າວໜ້າ ໂດຍສະເພາະການລົບລ້າງຄວາມທຸກຍາກໃຫ້ໝົດໄປກວ່າເຄິ່ງໜຶ່ງ ການຫຼຸດຜ່ອນຄວາມອຶດຫິວ ແລະ ກໍາລັງປັບປຸງປະສິດທິ ພາບທາງດ້ານການສຶກສາ ແລະ ສາທາລະນະສຸກທົ່ວປະເທດ.
ໂອກາດດັ່ງກ່າວ ທ່ານ ບຸນຍັງ ວໍລະຈິດ ໄດ້ສະແດງຄວາມຂອບ ໃຈ ແລະ ຕີລາຄາສູງຕໍ່ຄໍາອວຍພອນອັນປະເສີດຂອງທ່ານທູດອາວຸໂສເຊິ່ງສະແດງເຖິງໄມຕີຈິດມິດຕະພາບແລະການຮ່ວມມືທີ່ດີລະຫວ່າງປະເທດ ແລະ ອົງການຈັດຕັ້ງຕ່າງໆກັບລາວເປັນການໃຫ້ກໍາລັງໃຈອັນໃຫຍ່ຫຼວງແກ່ປະຊາຊົນລາວບັນດາເຜົ່າໃນພາລະ ກິດປົກປັກຮັກສາແລະສ້າງສາບ້ານເມືອງຕະຫຼອດໄລຍະ 44 ປີຜ່ານມາ ເຊິ່ງປີ 2019 ເປັນປີທີ່ພັກ-ລັດ ແລະ ປະຊາຊົນລາວທັງຊາດໄດ້ສືບຕໍ່ເອົາໃຈໃສ່ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII ຢ່າງຕັ້ງໜ້າ ໂດຍໄດ້ຮັບຜົນສໍາເລັດຕົວຈິງທີ່ເປັນໜ້າເພິ່ງພໍ ໃຈໃນຫຼາຍດ້ານເປັນຕົ້ນຍັງສາມາດຮັກສາໄດ້ສະຖຽນລະພາບທາງດ້ານການເມືອງ ແລະ ເສດຖະກິດມະຫາພາກ ໄດ້ຢ່າງໝັ້ນທ່ຽງ ວຽກງານດ້ານການສຶກສາ ສາທາລະນະສຸກ ວັດທະນະທໍາ-ສັງຄົມ ກໍໄດ້ຮັບການເອົາໃນໃສ່ປັບປຸງແກ້ໄຂໃຫ້ມີຄຸນນະ ພາບດີຂຶ້ນຢ່າງຕໍ່ເນື່ອງ.
....................................................................................
#vientianemai
ຜົນດີຂອງການບໍ່ໃຫ້ນັກຮຽນຫຼິ້ນໂທລະສັບໃນໂຮງຮຽນ
ນັກຮຽນຮຽນເກັ່ງຂື້ນ
ໂທລະສັບເປັນເຄື່ອງນຳໃຊ້ໃນການສື່ສານ
ແລະ ຊອກຫາຂໍ້ມູນຕ່າງໆທີ່ເປັນປະໂຫຍດໃນການສຶກສາຄົ້ນຄວ້າ
ແຕ່ໃນໄວທີ່ກຳລັງເປັນນັກຮຽນສາມັນ, ນັກຮຽນສ່ວນຫຼາຍທີ່ຫຼິ້ນໂທລະສັບແມ່ນນຳໃຊ້ເພື່ອການແຊັດຫາໝູ່ເພື່ອນ,
ເພື່ອເບິ່ງຮູບເງົາ ແລະ ໃຊ້ສື່ອອນລາຍຕ່າງໆໃນທາງທີ່ບໍ່ຄ່ອຍເໝາະສົມ
ແລະ ຜິດຕໍ່ການສຶກສາຮໍ່າຮຽນຂອງຕົນເອງ
ເຊິ່ງການໃຊ້ໂທລະສັບໃນຫ້ອງຮຽນຈະເຮັດໃຫ້ນັກຮຽນຂາດຄວາມຕັ້ງໃຈຟັງຄູ
– ອາຈານ, ບໍ່ສົນໃຈບົດຮຽນ
ຟ້າວແຕ່ຈະຫຼິ້ນໂທລະສັບ ບາງຄັ້ງຄາວກໍເກີດ ຄວາມຫງຸດງິດ ແລະ
ເສຍອາລົມເພາະຕອບບໍ່ທັນຂໍ້ຄວາມຂອງໝູ່ເພື່ອນທີ່ແຊັດຫາ ລວມທັງສົນໃຈແຕ່ເບິ່ງຢູທູບ
ເຊິ່ງເປັນສິ່ງທີ່ມີຄວາມທ້າທາຍຫຼາຍຕໍ່ການຮຽນຂອງເດັກນັກຮຽນຮຸ່ນປັດຈຸບັນ
ການຫ້າມຫຼິ້ນໂທລະສັບສະມາດໂຟນໃນໂຮງຮຽນເປັນການຊຸກຍູ້ສົ່ງເສີມໃຫ້ນັກຮຽນຫັນມາຕັ້ງໃຈຮຽນ, ສົນໃຈບົດຮຽນຫຼາຍຂຶ້ນ ແລະ ເປັນການສ້າງພຶດຕິກຳ ແລະ
ນິດໄສທີ່ດີໃນການນຳໃຊ້ໂທລະສັບສະເພາະຍາມທີ່ຈຳເປັນ ເຊິ່ງໃນ ສປປ ລາວ
ໄດ້ມີຫຼາຍໂຮງຮຽນຫ້າມນັກຮຽນໃຊ້ໂທລະສັບໃນຊົ່ວໂມງຮຽນ ລວມທັງໃນໂຮງຮຽນເລີຍ
ໂດຍອອກລະບຽບໃຫ້ນັກຮຽນແຕ່ລະຄົນຫ້າມນຳເອົາໂທລະສັບສະມາດໂຟນເຂົ້າມາໃນໂຮງຮຽນເດັດຂາດ
ເປັນຕົ້ນແມ່ນໂຮງຮຽນ ມສ ວຽງຈັນ
ຜ່ານການຈັດຕັ້ງປະຕິບັດມາໄລຍະໜຶ່ງປີມານີ້ເຫັນວ່ານັກຮຽນ
ມສ ວຽງຈັນ ມີຄວາມກະຕືລືລົ້ນ ແລະ ມີຄວາມຕັ້ງໃຈເບິ່ງບົດຮຽນ, ຟັງຄູ – ອາຈານອະທິບາຍຫຼາຍຂຶ້ນ ແລະ
ມີການແລກປ່ຽນບົດຮຽນນຳໝູ່ຄູ່ເພື່ອນມິດໃນຫ້ອງຫຼາຍຂຶ້ນ
ໂດຍເຮັດໃຫ້ພຶດຕິກຳບໍ່ຫຼິ້ນຄົນດຽວ ນັ່ງຄົນດຽວ ບໍ່ຫຼິ້ນບໍ່ລົມກັບໝູ່ເພື່ອນຫຼຸດລົງ
ແລະ ຫັນມາຕັ້ງໃຈຮຽນຈົນໃນສົກປີ 2018 – 2019 ນີ້, ມສ ວຽງຈັນ ເຮົາມີນັກຮຽນທີ່ຮຽນໄດ້ດີ, ສາມາດເສັງໄດ້ຄະແນນຮອບດ້ານເພີ່ມຂຶ້ນຫຼາຍສົມຄວນ
ມີຈຳນວນ 515 ຄົນ ແລະ
ສາມາດຍາດໄດ້ຄະແນນສູງສຸດຂັ້ນເມືອງຈັນທະບູລີ 4 ຄົນ. ນອກນັ້ນ,
ຈຳນວນນັກຮຽນທີ່ໄດ້ໃບປະກາດແດງກໍເພີ່ມຂຶ້ນເປັນ 5 ຄົນ
ຜົນສຳເລັດດັ່ງກ່າວເຮັດໃຫ້ເຮົາເຫັນວ່າການຈັດຕັ້ງປະຕິບັດລະບຽບຫ້າມໃຊ້ໂທລະສັບສະມາດໂຟນໃນຂອບເຂດໂຮງຮຽນແມ່ນມີຜົນປະໂຫຍດກວ່າການປ່ອຍໃຫ້ໃຊ້
ເພາະນ້ອງນັກຮຽນສາມັນສ່ວນຫຼາຍແມ່ນຍັງຮູ້ບໍ່ເທົ່າເຖິງການຕໍ່ຜົນກະທົບທາງລົບຂອງການຫຼິ້ນໂທລະສັບ.ການຫຼິ້ນໂທລະສັບສ່ວນຫຼາຍເປັນການເບິ່ງຮູບເງົາ, ເບິ່ງຄລິບ ແລະ
ແຊັດໄປມາຫາກັນໃນສິ່ງທີ່ບໍ່ເປັນປະໂຫຍດຕໍ່ການຮຽນ
ການຫ້າມບໍ່ໃຫ້ນັກຮຽນນຳໂທລະສັບເຂົ້າໂຮງຮຽນກໍເປັນການສ້າງວິໄນໃນການສຶກສາຮໍ່າຮຽນໃຫ້ແກ່ນ້ອງນັກຮຽນ
ແລະ ເປັນການສ້າງພຶດຕິກຳທີ່ດີ ເຮັດໃຫ້ນັກຮຽນຮູ້ວ່າຫຼິ້ນໂທລະສັບແນວໃດ? ຫຼິ້ນໃນເວລາໃດ? ເມື່ອມາໂຮງຮຽນແມ່ນມາຮຽນບໍ່ແມ່ນມາຫຼິ້ນໂທລະສັບ
ແລະ ເປັນການສ້າງນິດໄສໃຫ້ນັກຮຽນຮູ້ຈັກການຈັດການເວລາໃນການສຶກສາຮໍ່າຮຽນ
ເມື່ອເຂົາເຈົ້າຮຽນສູງຂຶ້ນ ແລະ ຮູ້ວ່າຄວນຫຼິ້ນໂທລະສັບໃນເວລາໃດ
ທ້າວ ພູມມະຈັນ
ມະນີວັນ ນັກຮຽນທີ່ໄດ້ຮັບໃບປະກາດແດງຫ້ອງ ມ 7/4 ສົກປີ 2018 – 2019 ໄດ້ໃຫ້ສຳພາດວ່າ:
ການທີ່ຫ້າມນຳເອົາໂທລະສັບມາໃນຂອບເຂດໂຮງຮຽນ
ເປັນການສ້າງສະມາທິໃຫ້ເຮົາຕັ້ງໃຈສຶກສາຮໍ່າຮຽນ, ໃນເວລາພັກຜ່ອນກໍບໍ່ມີຫຍັງຫຼິ້ນແລ້ວເຮັດໃຫ້ເຮົາມີແຕ່ຮຽນກັບຮຽນຢ່າງດຽວ
ແລະ ປະຕິບັດຕົນໄປໄລຍະໜຶ່ງເຮັດໃຫ້ເຮົາເປັນຄົນບໍ່ມັກຫຼິ້ນໂທລະສັບ ແລະ
ຫັນມາຕັ້ງໃຈຮຽນຫຼາຍຂຶ້ນ
ການຫ້າມນັກຮຽນນຳເອົາໂທລະສັບມາໃນໂຮງຮຽນເປັນສິ່ງໜຶ່ງທີ່ເຮັດໃຫ້ເຮົາຮັບຮູ້, ເຂົ້າໃຈເຖິງຜົນດີ ແລະ ຜົນຮ້າຍຂອງໂທລະສັບ, ເປັນການສ້າງນິດໄສທີ່ດີ ເມື່ອຢູ່ເຮືອນກໍເຮັດໃຫ້ເຮົາບໍ່ຄ່ອຍຫຼິ້ນໂທລະສັບ
ເພາະຫຼິ້ນໂທລະສັບຈະເຮັດໃຫ້ເຮົາເສຍອາລົມງ່າຍ, ບໍ່ມີຄວາມພະຍາຍາມອົດທົນໃນການຮຽນ
ເມື່ອຄົ້ນ ຄວ້າບົດຮຽນແລ້ວພົບບັນຫາໃດໜຶ່ງກໍທໍ້ ແລະ ບໍ່ຢາກເບິ່ງບົດຮຽນ. ພ້ອມນັ້ນ,
ຍັງເຮັດໃຫ້ເຮົາຮູ້ສຶກເຫງົານອນໃນເວລາຮຽນ ແລະ ຍັງເປັນການປະຢັດລາຍຈ່າຍ
ນາງ ເກດຕາວັນ
ສີບຸນເຮືອງ ນັກຮຽນຫ້ອງ ມ 7/3 ມສ ວຽງຈັນ
ທີ່ໄດ້ຮັບໃບປະກາດແດງ ສົກປີ 2018 – 2019 ໃຫ້ສຳພາດວ່າ:
ການບໍ່ນຳເອົາໂທລະສັບມາໃນຂອບເຂດໂຮງຮຽນ ເປັນການສ້າງສະມາທິໃນການຮຽນ, ເຮັດໃຫ້ເຮົາບໍ່ຫງຸດງິດ, ບໍ່ເສຍອາລົມ ແລະ
ມີສະມາທິໃນການຮຽນຫຼາຍຂຶ້ນ, ຕັ້ງໃຈຟັງຄຳອະທິບາຍຂອງ ຄູ
– ອາຈານຫຼາຍຂຶ້ນ ແລະ ມີຄວາມຫ້າວຫັນໃຝ່ຮຽນຮູ້
ການຫ້າມບໍ່ໃຫ້ນັກຮຽນນຳເອົາໂທລະສັບເຂົ້າມາໃນໂຮງຮຽນເປັນສິ່ງທີ່ຖືກ
ເພາະນັກຮຽນລາວສ່ວນຫຼາຍແມ່ນບໍ່ຄ່ອຍຮູ້ເຖິງການນຳໃຊ້ໂທລະສັບໃນທາງທີ່ຖືກຕ້ອງ
ໂດຍໃຊ້ສ່ວນຫຼາຍແມ່ນຫຼິ້ນເກມ, ຫຼິ້ນເຟສບຸ໊ກ,
ເບິ່ງຮູບ ແລະ ເບິ່ງຄລິບວິດີໂອຕ່າງໆ ທີ່ບໍ່ເປັນປະໂຫຍດຕໍ່ການຮຽນ ແລະ
ຍັງສົ່ງຜົນກະທົບທາງລົບຕໍ່ສຸຂະພາບອີກ
ໃນ ສປປ ລາວ
ການຫ້າມບໍ່ໃຫ້ນັກຮຽນນຳເອົາໂທລະສັບສະມາດໂຟນເຂົ້າມາໃນໂຮງຮຽນຖືວ່າຍັງປະຕິບັດບໍ່ທົ່ວເຖິງ
ແລະ ນັກຮຽນສ່ວນຫຼາຍແມ່ນຍັງບໍ່ທັນຮັບຮູ້ເຖິງຜົນເສຍຂອງການຫຼິ້ນໂທລະສັບ
ເຊິ່ງສົ່ງຜົນຕໍ່ການຮຽນຂອງຕົນເອງ ແລະ ຍັງເປັນການເສຍເວລາບໍ່ມີປະໂຫຍດເສຍເງິນຄຳຂອງພໍ່ແມ່
ແລະ ອື່ນໆ
ການພັດທະນາຢ່າງໄວວາຂອງເຕັກໂນໂລຊີທັນສະໄໝ.
ສະນັ້ນ, ຄູ – ອາຈານ ແລະ
ພໍ່ແມ່ຜູ້ປົກຄອງຕ້ອງຕັ້ງໜ້າສຶກສາອົບຮົມ ແລະ ສິດສອນໃຫ້ນ້ອງນັກຮຽນຮັບຮູ້ເຖິງຜົນດີ
ແລະ ຜົນເສຍຂອງການຫຼິ້ນໂທລະສັບ
ເຮັດແນວໃດໃຫ້ນ້ອງນັກຮຽນລາວທັງຫຼາຍຫັນມານຳໃຊ້ໂທລະສັບຢ່າງຖືກຕ້ອງ, ເໝາະສົມ ແລະ ປອດໄພທີ່ສຸດ. ພ້ອມກັນນັ້ນ, ເພື່ອເຮັດໃຫ້ນ້ອງນັກຮຽນທັງຫຼາຍຫັນມາຕັ້ງໃຈໃນການສຶກສາຮໍ່າຮຽນ
ເພື່ອໃຫ້ກາຍເປັນບຸກຄະລາກອນທີ່ມີຄຸນນະພາບຂອງຊາດໃນອະນາຄົດ
ແຂວງໄຊສົມບູນ
ເປີດການນຳໃຊ້ເຂື່ອນໄຟຟ້ານ້ຳລົ້ນນ້ຳຜາໃຫຍ່
ໃນວັນທີ 22 ພະຈິກ 2019
ທີ່ບ້ານຜານ້ອຍ ເມືອງລ້ອງແຈ້ງ ແຂວງໄຊສົມບູນ
ໄດ້ມີພິທີສະເຫຼີມສະຫຼອງຜົນສຳເລັດໂຄງການກໍ່ສ້າງເຂື່ອນໄຟຟ້ານ້ຳລົ້ນ ນ້ຳຜາໃຫຍ່ 14,8
MW ແລະ ພາກຂະຫຍາຍ 4,4 MW ໂດຍການເຂົ້າຮ່ວມຂອງ
ທ່ານ ຈັນສີ ໂພສີຄຳ ກຳມະການກົມການເມືອງສູນກາງພັກ, ຫົວໜ້າຄະນະຈັດຕັ້ງສູນກາງພັກ,
ທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ພົນຕີ ຄຳລຽງ ອຸທະໄກສອນ ເຈົ້າແຂວງໄຊສົມບູນ ແລະ
ພາກສ່ວນກ່ຽວຂ້ອງເຂົ້າຮ່ວມ.
ທ່ານ ໄຊຍະສິງ ຊະນະແກ້ວ ປະທານ ກຸ່ມບໍລິສັດ DSK ( ດີເອັສເຄ ) ໄດ້ກ່າວວ່າ: ໂຄງການເຂື່ອນນໍ້າລົ້ນນໍ້າຜາໃຫຍ່
ເຮົາໃສ່ໃຈໃນສິ່ງແວດລ້ອມເປັນອັນດັບທຳອິດ ຈຶ່ງໄດ້ມີການຮ່ວມມືກັບ ບໍລິສັດ ວິສະວະກອນ
ທີ່ມີຊື່ສຽງຂອງໂລກ
ເພື່ອເຂົ້າມາອອກແບບເຂື່ອນນໍ້າລົ້ນໃຫ້ເປັນມິດກັບສິ່ງແວດລ້ອມຫຼາຍທີ່ສຸດ ແລະ
ບໍ່ສົ່ງຜົນກະທົບຕໍ່ປະຊາຊົນ, ໂຄງການເຂື່ອນນໍ້າລົ້ນນໍ້າຜາໃຫຍ່
ເປັນໂຄງການທີ່ຕັ້ງຢູ່ບໍລິເວນນໍ້າງື່ມທີ່ຮັບນໍ້າຈາກແມ່ນໍ້າ 3 ສາຍ ຄື:
ແມ່ນໍ້າງື່ມ, ແມ່ນໍ້າຜາໃຫຍ່ ແລະ ແມ່ນໍ້າຜານ້ອຍ ເມືອງລ້ອງແຈ້ງ ແຂວງໄຊສົມບູນ
ໂດຍການລົງທຶນ 100% ຂອງກຸ່ມບໍລິສັດ DSK ແລະ ໄດ້ເລີ່ມກໍ່ສ້າງຂຶ້ນໃນເດືອນຕຸລາປີ 2014 ຈົນມາຮອດເດືອນກັນຍາ
ປີ 2019 ໄດ້ສຳເລັດ 100% ມູນຄ່າການກໍ່ສ້າງທັງໝົດ
68 ລ້ານໂດລາສະຫະລັດ.
ໂຄງການເຂື່ອນນໍ້າລົ້ນນໍ້າຜາ ໃຫຍ່
ຖືກສ້າງຂຶ້ນໃຫ້ຜະລິດກະແສໄຟຟ້າໄດ້ຢ່າງມີປະສິດທິພາບ
ເຖິງແມ່ນວ່າປະລິມານນໍ້າທີ່ນ້ອຍເຂື່ອນຖືກອອກແບບໃຫ້ເຮັດໜ້າທີ່ຄືກັນກັບຝາຍຊະລໍນໍ້າ
ໂດຍບໍ່ໄດ້ກັກເກັບນໍ້າ ແຕ່ຈະປ່ອຍໃຫ້ນໍ້າໄຫຼລົງໃນແມ່ນໍ້າ ໂດຍທຳມະຊາດ ແລະ ລະບົບ sensor ແບບຄົບວົງຈອນໄວ້ຖ້າວັດແທກລະດັບນໍ້າ
ເມື່ອໃນກໍລະນີທີ່ນໍ້າມີປະລິມານຫຼາຍໃນໄລຍະລະດູຝົນ Sensor ຈະສັ່ງໃຫ້ເຂື່ອນເຮັດການປ່ອຍນໍ້າ
ໂດຍການຍົກຝາຂັ້ນນໍ້າຂອງເຂື່ອນຂຶ້ນ ເພື່ອຮັກສາຄວາມປອດໄພຂອງໂຕເຂື່ອນ ແລະ
ລະບົບນິເວດວິທະຍາໂດຍຮອບ.
ເຂື່ອນນໍ້າລົ້ນນໍ້າຜາໃຫຍ່
ມີການນໍານໍ້າເຂົ້າຜະລິດກະແສໄຟຟ້າໂດຍການຂຸດເຈາະອຸມົງຜ່ານຕີນພູທີ່ມີຄວາມກວ້າງ 3,4 ແມັດ ແລະ ສູງ 3,75 ແມັດ
ເຂົ້າໄປໃນຕີນພູ ມີ ຄວາມຍາວກວ່າ 1.250 ແມັດ ແລະ
ສົ່ງນໍ້າຜ່ານຮ່ອງນໍ້າຄອນກຣີດເສີມເຫຼັກຂະໜາດຄວາມກວ້າງ 3,4 ແມັດ
ສູງ 3,75 ແມັດ ທີ່ມີຄວາມຍາວເລາະຕາມຕີນພູ ຫຼາຍກວ່າ 5.085
ແມັດ ພ້ອມທັງມີທາງນໍ້າລົ້ນ ຫຼື spillway ເພື່ອກໍລະນີສຸກເສີນເຖິງ
2 ບ່ອນ ຄື:
ມີປະຕູລັດ ແລະ
ຖິ້ມຕະກອນກ່ອນທີ່ນໍ້າຈະມາລວມກັນທີ່ອ່າງນໍ້ານິ້ງ ຂະໜາດຄວາມຍາວ 77 ແມັດ ກວ້າງ 10,6 ແມັດ ເລິກ 3,75
ແມັດ ແລະ ຈະຖືກປ່ອຍລົງມາຕາມທໍ່ສົ່ງນໍ້າ ( Buried, Spiral
welding ) ເຂົ້າໂຮງຜະລິດກະແສໄຟຟ້າທີ່ມີຄວາມຍາວ 240 ແມັດ ສູງຈາກລະດັບຮັບນໍ້າເຖິງ 112,14 ແມັດ
ເພື່ອຂັບເຄື່ອນເຄື່ອງຈັກຜະລິດກະແສໄຟຟ້າຫຼັກ 2 ເຄື່ອງຈັກ
ທີ່ສາມາດຜະລິດກະແສໄຟຟ້າໄດ້ 7,4 MW ແລະ ອີກ 1 ເຄື່ອງຈັກທີ່ສາມາດຜະລິດກະແສໄຟຟ້າໄດ້ 4,4 MW ເຮັດໃຫ້ໂຮງຜະລິດກະແສໄຟຟ້າແຫ່ງນີ້
ສາມາດຜະລິດກະແສໄຟຟ້າໄດ້ຫຼາຍເຖິງ 19,2 MW.
ພາຍໃນໂຮງຜະລິດໄດ້ມີການນໍາເອົາເຕັກໂນໂລຊີເຂົ້າມາເປັນໂຕຄວບຄຸມ
ແລະ ກວດສອບລະບົບການຜະລິດທັງໝົດກ່ອນທີ່ຈະໃຫ້ວິຊາການເຂົ້າກວດສອບໂດຍລະອຽດອີກເທື່ອໜຶ່ງ, ກະແສໄຟຟ້າທັງໝົດຖືກສົ່ງເຂົ້າລະບົບ115KV ຂອງໄຟຟ້າລາວໄປເຖິງສະຖານີທົ່ງຄູນ 2 ແຂວງໄຊສົມບູນ.
ທາງໂຄງການຍັງໄດ້ມອບທຶນຊ່ວຍເຫຼືອໃນການກໍ່ສ້າງໂຮງຮຽນປະຖົມສົມບູນ
ບ້ານນາໂພ ເມືອງລ້ອງຊານ ແຊວງໄຊສົມບູນ ມູນຄ່າ 300 ລ້ານກີບ.
ໂອກາດດັ່ງກ່າວນີ້, ທ່ານຫົວໜ້າຄະນະຈັດຕັ້ງສູນກາງພັກ ພ້ອມດ້ວຍຄະນະປະທານ
ໄດ້ພ້ອມກັນຂຶ້ນຕັດແຖບຜ້າ, ລັ່ນຄ້ອງ 9 ບາດ ແລະ ປ່ອຍປູ່ມເປົ້າເປີດນຳໃຊ້ເຂື່ອນໄຟຟ້ານ້ຳລົ້ນ ນ້ຳຜາໃຫຍ່
ຢ່າງເປັນທາງການ.
ຂໍ້ມູນຈາກ: ເສດຖະກິດ-ການຄ້າ
ไม่มีความคิดเห็น:
แสดงความคิดเห็น