ຂໍ້ຄິດ

4 ຂໍ້ດີ ທີ່ເຮົາບໍ່ຄວນຢ້ານ ກັບການຢູ່ຄົນດຽວຕາມລຳພັງ

ການຢູ່ຄົນດຽວກໍມີປະໂຫຍດຫຼາກຫຼາຍ ບໍ່ເປັນຕາຢ້ານ ການຢູ່ຄົນດຽວນັ້ນ ມີປະໂຫຍດແນວໃດແນ່ ເຮົາມາອ່ານເບີ່ງດັ່ງນີ້ 4 ຂໍ້ :

1. ຈຸດປະກາຍຄວາມຄິດສ້າງສັນໃຫ້ເກີດຂື້ນກັບຕົວເອງ :  ສີລະປິນ ນັກຂຽນ ແລະ ນັກດົນດີ ທີ່ປະສົບຄວາມສຳເລັດ ໄດ້ເຫັນຕົງກັນວ່າ ຄວາມສັນໂດດສາມາດຊ່ວຍພັດທະນາ ການເຮັດວຽກຂອງພວກເຂົາໄດ້ ການໃຊ້ເວລາຢູ່ຫ່າງຈາກຄວາມຕ້ອງການຈາກສັງຄົມ ຊ່ວຍໃຫ້ສົ່ງເສີມໃຫ້ມີຄວາມຄິດສ້າງສັນໄດ້.

 

2. ທັກສະໃນການຢູ່ຄົນດຽວ ດີຕໍ່ສຸຂະພາບຈິດ :  ເຖີງວ່າທັກສະທາງສັງຄົມຈະມີຄວາມສຳຄັນ ການມີປະສາສຳພັນກັບຄົນອື່ນ ສ້າງມິດຕະພາບດີໆ ລະຫວ່າງກັນ ແລະ ກັນ ເປັນໜື່ງວິທີການເຝິກທັກສະ ທາງມະນຸດສຳພັນ ແລະ ໃນທາງດຽວກັນ ກໍມີຫຼັກຖານທີ່ວ່າ ທັກສະໃນການຢູ່ດຽວ ກໍອາດມີຄວາມສຳຄັນພໍໆກັນ ດ້ານສຸຂະພາບ ດ້ານຄວາມສຸກອີກດ້ວຍ ເພາະຄວາມສາມາດໃນການອົດທົນ ເມື່ອຢູ່ຄົນດຽວຈະເຊື່ອມໂຍງກັບຄວາມສຸກ ທີ່ຫຼາຍຂື້ນ ຄວາມເພີ່ງພໍໃຈໃນຊີວິດ ແລະ ການຈັດການກັບຄວາມຄຽດທີ່ດີຫຼາຍຂື້ນ ເພາະແນວນັ້ນ ການຢູ່ຄົນດຽວເປັນການດີແບບໜື່ງ ໄດ້ເຝິກຕົນເອງ ໃຫ້ຮັບມືກັບຄວາມຮູ້ສຶກຕ່າງໆ ແລະ ເພີ່ມຄວາມໝັ້ນຄົງທາງຈິດໃຈພ້ອມອີກ.

 

3. ເຮັດໃຫ້ຕົນເອງເຂົ້າໃຈຄົນອື່ນໄດ້ຫຼາຍກວ່າເກົ່າ : ໜັງສືເລື່ອງໜື່ງໄດ້ກ່າວໄວ້ວ່າ ເມື່ອຜູ້ຄົນໃຊ້ເວລາກັບຕົນເອງ ພວກເຂົາມີແນວໂນ້ມທີ່ຈະສະແດງຄວາມເມດຕາໄດ້ຫຼາຍກວ່າ ຫາກໃຊ້ເວລາຢູ່ກັບສັງຄົມຂອງຕົນເອງຫຼາຍເກີນໄປ ມີແນວໂນ້ມທີ່ຈະພັດທະນາຄວາມຄິດແບ່ງແຍກລະຫວ່າງເຂົາ ກັບ ເຮົາ ຫຼາຍຂື້ນ ເຮັດໃຫ້ເຮົາປະຕິບັດບັດຕໍ່ຕົວຜູ້ອື່ນທີ່ຢູ່ນອກວົງສັງຄົມ ຢ່າງມີເມດຕາ.

 

4. ເຮັດວຽກມີປະສິດທິພາບຫຼາຍກວ່າເກົ່າ : ເຖີງວ່າຫຼາຍບໍລິສັດຈະສົ່ງເສີມເຮັດວຽກເປັນທີມ ມີການປະສາສຳພັນກັນໃນວຽກທີ່ເພີ່ມຫຼາຍຂື້ນ ແຕ່ການວີໄຈ ຄົນສ່ວນໃຫຍ່ເຮັດຜົນງານໄດ້ດີກວ່າ ເມື່ອພວກເຂົາມີຄວາມເປັນສ່ວນຕົວ ຈະຊ່ວຍເພີ່ມປະສິດທິພາບ ໃນການເຮັດວຽກຫຼາຍຂື້ນ.

ຂໍ້ດີ ແລະ ຂໍ້ເສຍໃຫ້ຄົນອື່ນຢືມເງິນ ທັງຜູ້ໃຫ້ ແລະ ຜູ້ຮັບ

ຄົນເຮົາເມື່ອດຳລົງຊີວິດໃນແວດວົງສັງຄົມເຕັມໄປດ້ວຍຜູ້ຄົນຫຼາກຫຼາຍ ມີໝູ່ຄູ່ ແລະ ຄົນຮູ້ຈັກຢູ່ອ້ອມຕົວເຮົາ ເຊີ່ງກໍຈະມີການພົບປະສ້າງສັນກັນ ຫຼາຍຮູບ ແບບແລ້ວແຕ່ວ່າໃຜຢູ່ໃນສັງຄົມແບບໃດ

 ແນ່ນອນເມື່ອມີຄົນຮູ້ຈັກ ກໍຕ້ອງມີຄົນເຂົ້າເພີ່ງພາອາໃສ ຂໍຄວາມຊ່ວຍເຫຼືອບາງຄົນ ການເພີ່ງພານັ້ນບາງທີກໍແຕກຕ່າງ ບໍ່ວ່າະເປັນ ດ້ານວັດຖຸ ຈິດໃຈ ຄວາມຮູ້ປະສົບການ ແລະ ອີກຢ່າງໜື່ງກໍຄືການຂໍຢືມເງິນ

 

ດັ່ງນັ້ນເຮົາມາເບີ່ງນຳກັນວ່າ ການໃຫ້ຄົນອື່ນຢືມເງິນນັ້ນ ຍອມມີຂໍ້ດີ ແລະ ຂໍ້ເສຍສະເໝີແນ່ນອນ ມາເບີ່ງດັ່ງນີ້ :

+ ຂໍ້ດີຂອງການໃຫ້ຄົນອື່ນຢືມເງິນ

– ຂໍ້ດີຂອງຜູ້ໃຫ້ ຄື ສະແດງເຖີງການມີນ້ຳໃຈຕໍ່ຜູ້ມາຢືມ ບໍ່ວ່າຈະເປັນໝູ່ຄູ່ຄົນຮູ້ຈັກ ແລະ ຍາດພີ່ນ້ອງ ທີ່ໄດ້ຊ່ວຍເຫຼືເຂົາຍາມເຂົາຂັນສົນ ແລະ ຢ່າງໜື່ງຢືມເເບບເງິນກູ້ ຜູ້ໃຫ້ຍອມໄດ້ປະໂຫຍດ ກໍຄືໄດ້ດອກເບ້ຍ ກັບຄືນມາ

 

– ຂໍ້ດີຂອງຜູ້ຮັບ ຄື ຮູ້ສຶກດີໃຈທີ່ລາວໃຫ້ຢືມ ເພື່ອໄປໃຊ້ຈ່າຍຕາມທີ່ຕົນຕັ້ງເປົ້າໝາຍ ເຖີງບາງຄັ້ງຢືມແບບມີດອກເບ້ຍກໍຕາມ ແຕ່ຢ່າງນ້ອຍກໍມີເງິນໄປໃຊ້ຕາມທີ່ຕົນຕັ້ງເປົ້າໄວ້ ເພື່ອແກ້ໄຂບັນຫານັ້ນໆ

 + ຂໍ້ເສຍຂອງການໃຫ້ຄົນອື່ນຢືມເງິນ

– ດ້ານເສຍຂອງຜູ້ໃຫ້ຢືມເງິນ ກໍຄື ໃຫ້ໄປແລ້ວ ເວລາທ້ວງກໍຍາກ ບໍ່ວ່າຈະເປັນໝູ່ຄູ່ຄົນຮູ້ຈັກ ຍາດພີ່ນ້ອງ ໃຫ້ໄປແລ້ວ ເຂົາຈັກຈະໄປໃຊ້ແນວໃດ ບາງຄັ້ງຕອນທ້ວງ ບາງຄົນຈົນເສຍໝູ່ຄູ່ ເສຍພີ່ນ້ອງ ກາຍເປັນຄົນທີ່ແນມໜ້າກັນບໍ່ຕິດ ຍ້ອນການໃຫ້ເຂົາຢືມ ເວລາທ້ວງກໍຜິດກັນ ແລະ ອີກກໍລະນີໜື່ງ ໃຫ້ຢືມແບບມີດອກເບ້ຍ ຖ້າເຂົາໃຊ້ບໍ່ໄດ້ຮອດກຳນົດ ເຮັດໃຫ້ເຂົາມີໜີ້ເພີ່ມຂື້ນ ຈົນບາງຄັ້ງລູກໜີ້ກັບເຈົ້າໜີ້ຕ້ອງຜິດຖຽງກັນ ເຮັດໃຫ້ຄຽດຊັງກັນ

 

– ດ້ານເສຍຂອງຜູ້ຮັບ ກໍຄື ຢືມໄດ້ຂອງເຂົາແລ້ວບໍ່ຍອມໃຊ້ ມີຢູ່ເງິນ ແຕ່ບໍ່ຢາກໃຊ້ເຂົາ ຢາກເອົາປຽບເຂົາ ຖ້າວ່າບໍ່ມີແທ້ໆ ກໍຄືອີກຢ່າງໜື່ງ ສ່ວນຄົນບໍ່ມີກໍຖືວ່າຜູ້ໃຫ້ຕ້ອງມານຳທ້ວງນຳໆ ຈົນຮູ້ສຶກອາຍ ເສຍໝູ່ຄູ່ ພີ່ນ້ອງກໍມີ ແລະ ອີກກໍລະນີໜື່ງ ຢືມແບບມີດອກເບ້ຍ ແຮງຫຼາຍເດືອນຫຼາຍປິແຮງມີໜີ້ເພີ່ມຖ້າບໍ່ສຳລະໃຫ້ເຂົາ ເລື່ອນໄປເລື້ອຍໆດອກເບ້ຍ ບາງຄົນຈົນເປັນທຸກຍ້ອນ ຈຳຮອດດິນ ຈຳເຮືອນ ຈຳລົດ ເຮັດໃຫ້ຕົນເອງເປັນທຸກ ກັບໜີ້ສິນ ພາຄົນໃນຄອບຄົວລຳບາກນຳ ໂດຍສະເພາະເວລາຮອດກຳນົດ ເຂົາຕ້ອງມາຢຶດດິນ ເຮືອນ ລົດ ບາງຄົນຈົນບໍ່ມີບ່ອນຊິຢູ່ ແຮງລຳບາກເພີ່ມຂື້ນ

 

ເມຶ່ອທ່ານຈົບແລ້ວ ທ່ານອາດມີຂໍ້ຄິດໄດ້ວ່າ ຄົນແບບໃດ ທີ່ຄວນໃຫ້ຢືມ ຢືມເເລ້ວໄປໃຊ້ຈ່າຍແບບໃດ ມີປະໂຫຍດຫຼືບໍ່ ເຮົາຜູ້ໃຫ້ຄວນພິຈາລະນາເບີ່ງ.