ປະຫວັດຄວາມເປັນມາຂອງ " ບຸນເຂົ້າພັນສາ"
ເປັນຄົນລາວເຮົາແທ້ ກິນເຂົ້າໜຽວຈ້ຳປາແດກ ຢ່າໄດ້ແຍກເຄິ່ງມ້າງ ໜີໄປຍ້ອງຜູ້ອື່ນເຂົາ
ສາດສະໜາຍັງ ບໍ່ເສົ້າວັດທະນະທັມຍັງຄອຍເຈົ້າສານຕໍ່ ສິ່ງດີ ໆ ມີຢູ່ແລ້ວຢ່າໄລຖິ້ມໃຫ້ເປົ່າດາຍ
ພີ່ນ້ອງເອີຍ!!
ບຸນເຂົ້າພັນສາ
ຄຳວ່າ ພັນສາ ຫຼື ວັສສາ
ໄດ້ແກ່ປີຫຼືລະດູຝົນ ຄຳວ່າເຂົ້າໄດ້ແກ່ ການເຂົ້າໄປຢູ່ປະຈຳ ໃນສະຖານທີ່ໃດທີ່ໜຶ່ງ
ໂດຍບໍ່ໄປແຮມຄືນ ຫຼືຄ້າງຄືນບ່ອນ ອື່ນຕະຫຼອດສາມເດືອນ ຊື່ວ່າເຂົ້າພັນສາ ຫຼືຈຳພັນສາ ປີໜຶ່ງມີການກຳໜົດ ສອງເທື່ອຄື: ປຸຣິມີກາ ວັສສູປນະນີກາ ເຂົ້າພັນສາຕົ້ນ
ເລີ່ມແຕ່ແຮມ 1 ຄ່ຳເດືອນ 8 ຖ້າປີໃດເປັນປີ ອະທິກະມາດມີເດືອນ 8 ສອງຫົນ
ກໍ່ເລື່ອນມາເຂົ້າພັນສາເດືອນ 8 ຫຼັງ ແລະອອກພັນສາໃນມື້ ຂື້ນ 15 ຄ່ຳເດືອນ 11 ເອີ້ນວ່າ
ປັສສິມມະພັນສາ
*ມູນເຫດແຫ່ງການເຮັດບຸນ
ມີເລື່ອງເລົ່າໄວ້ໃນ ວັສສູປະນະຍິກາຂັນທະກະ ວ່າ
ພິກຂຸບໍລິສັດທ່ຽວໄປໃນຊົນນະບົດ ບໍ່ມີເວລາພັກຜ່ອນ ທັງລະດູຮ້ອນ ລະດູໜາວ ລະດູຝົນ
ໂດຍສະເພາະລະດູຝົນນີ້ ເປັນລະດູທີ່ຊາວນາເຮັດການຜະລິດກະສິກຳ
ແລະເປັນລະດູທີ່ສັດນ້ອຍໃຫຍ່ທັງຫຼາຍຂະ ຫຍາຍເຜົ່າພັນ
ພຣະສົງເຫຼົ່ານັ້ນໄດ້ເດີນໄປຢຽບຢ່ຳເຂົາກ້າໄຮ່ນາ ແລະສັດນ້ອຍໃຫຍ່ເສຍຫາຍ
ດັ່ງນນັ້ນພຣະພຸດທະເຈົາຈິ່ງອະນຸຍາດໃຫ້ພຣະສົງຈຳພັນສາຕາມພຸດທະປະເພນີ ຕະຫຼອດ 3
ເດືອນໃນລະດູຝົນ ໂດຍບໍ່ໄດ້ໄປແຮມຄືນທີ່ອື່ນ ຖ້າພຣະສົງອົງໃດຂາດພັນສາຕ້ອງອາບັດທຸກົດ
ເວັ້ນເສຍແຕ່ມີກິດທຸລະຈຳເປັນ ເຊັ່ນ : ໄປຮັກສາພະຍາບານພຣະພິກຂຸ ຫຼື ບິດາ
ມານດາເຈັບປ່ວຍ, ໄປຫ້າມພຣະສົງສາມະເນນ ທີ່ຢາກຈະສິກ, ໄປຫາອຸປະກອນກໍ່ສ້າງ ກຸຕິວິຫານ, ໄປກິດນິມົນ.
ແຕ່ຕ້ອງກັບມາພາຍໃນ 7 ວັນ ພັນສາຈິ່ງບໍ່ຂາດ ເອີ້ນວ່າ ສະຕະຫະ.
ເນື່ອງຈາກກ່ອນວັນເຂົ້າພັນສາ ເປັນວັນອະພິລັກຂິດຕະສະໄຫມ
ເປັນວັນສຳຄັນທາງພຸດທະສາສະໜາ ເຫດການເກິດກ່ອນ ພສ 45
ປີຫັລງຈາກພຣະພຸດທະເຈົ້າໄດ້ຕັດສະຮູ້ທັມໃນວັນເພັງເດືອນວິສາຂະເດືອນ 6
ທີ່ເມືອງອຸຣຸເວລາເສນານິຄົມ
(ພຸດທະຄະຍາ)ໃນປະຈຸບັນແລ້ວໄດ້ສະເຫວີຍວິມຸດຕິສຸກຢູ່ສັດຕະມະຫາສະຖານເປັນເວລາເຈັດສັບປະດາ
ພຣະອົງກໍ່ມາພິຈາລະນາທັມທີ່ຕັດສະຮູ້ນັ້ນຍາກທີ່ຄົນອື່ນຈະເຂົ້າໃຈ
ແຕ່ເພາະພຣະມະຫາກະຣຸນາທິຄຸນຢາກໃຫ້ຄົນອື່ນໄດ້ຮູ້ທັມທີ່ຕັດສະຮູ້ແລ້ວເມື່ອພິຈາຣະນາເຫັນອາຈານທັງສອງ
ຄື: ອາຣາລະດາບົດກາຣາມະໂຄດ ແລະທຸທະກະດາບົດ ຣາມມະບຸດ ກໍ່ຮູ້ວ່າທ່ານທັງສອງນັ້ນຫມົດໂອກາດຟັງທັມແລ້ວ ພຣະອົງຈິ່ງໄປໂຜດປັນຈະວັກຄີທັງຫ້າ
ທີ່ເຄີຍອຸປະຖາກພຣະອົງຜ່ານມາທີ່ຢູ່ເມືອງພາຣານະສີ ກົງກັບເດືອນແປດເພັງ ຈິ່ງເອີ້ນວ່າ:
ວັນອາສາລະຫະບູຊາວັນບູຊາໃນເດືອນແປດເພັງ. ເປັນວັນທີ່ພຣະພຸດທະເຈົ້າໄດ້ປະກາດພຣະສາສະຫນາແກ່ຊາວໂລກເປັນຄັ້ງທຳອິດ ຄື: ສະແດງພຣະທັມມະຈັກກັບປະວັດຕະນະສູດ ທີ່ປ່າອິສິປະຕະນະມະຣຶຄະທາຍະວັນ
ເມືອງພາຣານະສີ ແກ່ປັນຈະວັກຄີທັງຫ້າ ເຮັດໃຫ້ພຣະອັນຍາໂກນດັນຍະໄດ້ດວງຕາເຫັນທັມ
ແລະຂໍບວດໃນພຸດທະສາສະໜາ ເປັນວັນເກິດຂື້ນຂອງພຣະພຸດທະສາສະນາທີ່ຄົບສາມປະການ ຄືພຣະພຸດ
ພຣະທັມ ພຣະສົງ.
*ວິທີເຮັດບຸນ
ຕະຫຼອດເວລາ 3 ເດືອນ
ພຣະສົງສາມະເນນ ແລະຊາວພຸດທັງຫຼາຍ ຈະເປັນເວລາສ້າງບຸນກຸສົນ ພໍ່າເພັງບາຣະມີ ທານ ສິນ
ພາວະນາ ພິຈາລະນາໄຕຣສິກຂານ້ອຍໃຫຍ່ໃຫ້ບໍລິບູນ ທັງພາກທິດສະດີ ແລະພາກປະຕິບັດຂັດເກົາ
ເພິ່ມບຸນກຸສົນ ອະຣິຍະສັມມາປະຕິບັດ ເພື່ອປະໂຫຍດຕົນ ແລະປະໂຫຍດຜູ້ອື່ນໃຫ້ເຕັມ.
ອອກຕົນຍາດໂຍມຜູ້ທີ່ມີຈິດສັດທາໃນພຣະຣັຕຕະນະໄຕຣ
ທັງຫຼາຍຕ່າງຈັດແຈງແຕ່ງເຄື່ອງກິຍາບູຊາ ມີຂອງຄ້ຽວຂອງສັນ ພູພັນໝ້ຽງໝາກ ພ້ອມທຸກພາກ
ອາຫານຫວານຄາວ ເຄື່ອງນຸ່ງຫົມມີຜ້າໄຕຼຈີວອນເປັນຕົ້ນ ຢາຮັກສາໂຣກໄພ
ພ້ອມປັດໄຈເງິນທອງກອງແກ້ວ ສະຫຼະແລ້ວໃຫ້ທ່ານສ້າງສາ ທັງຫຼາຍເຫຼົ່ານີ້ເປັນນິພັດທະກຸສົນບໍ່ຂາດສາຍ
ພ້ອມນີ້ຍັງມີການຖວາຍແສງສະຫວ່າງ ມີປະທູບ ປະທີບ ມາແຕ່ບູຮານ ມີການຖວາຍທຽນ
ທານຕາມກາລະສະໄໝ ມີດອກໄຟສັ້ນຍາວເປັນຕົ້ນ ນຳໄປຖວາຍສັງຄະ ອາຮາມໃນວັນ 15 ຄ່ຳເດືອນ 8
ເພື່ອກຸສົນໃນອະນາຄົດ ເຮັດໃຫ້ອານິສົງສົ່ງບຸນໜູນຄ້ຳ ຍ້ອນຜົນກຳກຸສົນສ້າງ ຫູຕາດີສະຫວ່າງ
ໄດ້ຕາທິບໃນອະນາຄົດ ເຊັ່ນພຣະອານຸຣຸດທະ ແຕ່ຊາດກ່ອນໄດ້ຖາຍທູບທຽນ
ແກ່ພຣະສົງສາວົກມີພຣະພຸດທະເຈົ້າເປັນປະມຸກໂຂ ຄັນມາເຖິງສາສະໜາໂຄຕະໂມພຣະພຸດທະເຈົ້າ
ກໍ່ໄດ້ເປັນສິດເຫງົ້າຜູ້ມີທິບພະຈັກຂຸ.
ອອກຕົນຍາດໂຍມຜູ້ມີສັດທາປາຖະໜາຈະຖວາຍສິ່ງຂອງ ໂດຍບໍ່ໄດ້ກຳໜົດ ແລະຈຳກັດເວລາ
ມັກໃຊ້ວິທີ ປະວໍລະນາກັມ ຄືຕັ້ງໃຈວ່າຈະສົງເຄາະພຣະສົງ ໃຫ້ພຣະສົງຂໍໄດ້ຕາມປາຖະໜາ
ຖ້າບໍ່ແມ່ນຜູ້ປະວໍລະນາ ບໍ່ແມ່ນພີ່ນ້ອງ ພຣະໄປຂໍອັນນັ້ນ ອັນນີ້ ພຣະສົງກໍ່ຜິດຕ້ອງ
ອາບັດ
*ຜ້າອາບນ້ຳຝົນ
ຄື ຜ້າທີ່ໃຊ້ນຸ່ງອາບນ້ຳຝົນ ຊົງອະນຸໂລມຕາມສີຜ້ສາຈີວອນກໍມີຜ້າຂາວກໍມີກຳນົດຍາວ
5 ສອກກວ້າງ 2 ສອກຕັ້ງແຕ່ວັນແຮມ 1 ຄ່ຳເດືອນ 7 ເຖິ່ງກາງເດືອນ8
ເປັນເວລາທີ່ພຣະພິກຂຸສົງແສວງຫາຜ້າອາບນ້ຳຝົນຜູ້ມີສັດທາສາມາດຖວາຍໄດ້ຕັ້ງແຕ່ແຮມ ຄ່ຳ
1ເດືອນ 7 ເຖິ່ງກາງເດືອນ 8.
*ມູນເຫດແຫ່ງການທຳ
ມີເລື່ອງເລົ່າໄວ້ວ່າ ເດີມພຸດທະເຈົ້າ ອະນຸຍາດພຽງຜ້າສາມຜືນ ຄື ຜ້າສັງຄາໜຶ່ງ ຜ້າຮົ່ມໜື່ງ ຜ້ານຸ່ງໜຶ່ງ ຄັນເຖິ່ງລະດູຝົນ
ພິກຂຸບາງຮູບຈະອາບນ້ຳຝົນ ບໍ່ມີຜ້າຈະອາບນ້ຳ ມື້ໜຶ່ງນາງວິສາຂາໃຊ້ໃຫ້ສາວໄຊ້ໄປວັດ
ຂະນະທີ່ຝົນຕົກສາວໃຊ້ເຫັນພິກຂຸເປື່ອຍກາຍອາບນ້ຳຝົນ
ສາວໃຊ້ຈື່ງກັບໄປບອກນາງວິສາຂານາງວິສາຂາທູນຖວາຍຜ້າອາບນ້ຳຝົນເປັນຕົ້ນມາພຣະອົງ
ຊົ່ງອານຸຍາດແສວງຫາ ກຳນົດຜ້າ ແລະເວລາໃຊ້ຜ້າ ໃຫ້ຖືເປັນວັດປະຕິບັດແຕ່ນັ້ນເປັນຕົ້ນມາ.
*ຄະລືຫັດເຂົ້າພັນສາຕ່າງຈາກພິກສຸບໍ່ມີຈຳກັດເຂດທີ່ຢູ່ອາໄສ
ຈະຢູ່ວັດຫຼືບ້ານໄດ້ທັງນັ້ນ ບໍ່ມີຄໍາອະທິຖານເໝື່ອນພິກຂຸສົງ
ແຕ່ຕັ້ງຈິດອະທິຖານໃນໃຈວ່າ ຂ້າພະເຈົ້າໃຫ້ທານ ຮັກສາສິນ ຈະເຣີນເມດຕາພາວະນາ
ສະດັບຮັບຟັງພະສັດທຳມະເທດສະໜາ ຈະບໍ່ສໍ້ໂກງ ຈະຢູ່ໃນສິນກິນໃນທັມ
ຫຼືງົດເວັ້ນສິ່ງຂອງມຶນເມົາຕະຫລອດຈົນສາມເດືອນ ດັ່ງນີ້ຂື້ນຊື່ວ່າຄະລືຫັດເຂົ້າພັນສາການທຳວັດຖ້າຄິດໄດ້ວ່າຕົນໄດ້ປະມາດ
ພະສົງຄະເຈົ້າ ຫລື ຜູ້ຫຼັກຜູ້ໃຫຍ່ກໍຈັດແຈງເຄື່ອງສັກລະໄປຂໍຂະມາໃຫ້ທ່ານຍົກໂທດໃຫ້
ພຽງເທົ່ານີ້ຊື່ວ່າທຳຂະມາໂທດແລ້ວຄະລືຫັດທຳວັດວັນເຂົ້າພັນສາຈະມີໂອກາດພໍ່າເພັງບຸນກິຣິຍາວັດຖຸ
ໃຫ້ເຕັມທັງ 10 ປະການນໂດຍບໍ່ມີຂໍ້ລະແວງສົງໄສ.
*ພິທີຝ່າຍສົງ
ຈວນເຂົ້າພັນສາ ຈັດແຈງທຳຄວາມສະອາດ ອາຄານສະຖານທີ່ ກຸດຕວິຫານເດີນວັດ
ຊ່ອມແຊມເສນາສະນະໃຫ້ສຳເລັດຮຽບຮ້ອຍກ່ອນເຂົ້າວັນສາ.
*ພຣະພຸທຣູບເຂົ້າພັນສາ
ວັນຂື້ນ 15 ຄໍ່າ ຕອນເຊົ້າ ທາຍົກທາຍິກາ ສະມາທານສິນ 5 ສິນ 8 ຫຼືສີນອຸໂປສົດ
ແລ້ວອັງຄາດພຣະພິກສຸສົງ ໂດຍອາຫານບິນທະບາດ ຕອນບ່າຍປະຊຸມວັດ ສະມາທານສິນ ຟັງເທດ
ຕະຫລອດວັນໃນວັນນີ້.
*ຄຳທຳວັດທະພຸທຣູບ
ເຄື່ອງສັກກະລະຕັງໄວ້ທາງໜ້າ
ພຣະສົງທຸກອົງນັ່ງຄຸເຂົ່າພະນົມມືພ້ອມກັນ ວ່າດັ່ງນີ້ ອຸກາສະ ວັນທາມິພັນເຕ ສັບພັງ
ອະປະຣະທັງ ຂມາຖະເມ ພັນເຕ ມະຍາ ກະຕັງ ປຸນຍັງ ສາມິນາ ອນຸໂມທິຕັບພັງ.ສາມິນາກະຕັງ
ປຸນຍັງ ໄມຫັງ ທາຕັບພັງ.
ສາທຸ ສາທຸ ສາທຸ
ອນຸໂມທາມິ ວັນທາມິພັນເຕ
ກາບລົງຍົກຂັນດອກໄມ້ຂື້ນວ່າພ້ອມກັນວ່າ
ສັບພັງ ອະປະຣາທັງຂມະຖະເມ ພັນເຕ ນຳດອກໄມ້ໄປຖວາຍທ່ານ ມອບລົງຫຼືນັ່ງ
ພັບແພບຄອຍຟັງທ່ານກ່າວຄຳອົດໂທດວ່າ;
ປັດຖະມາ ປັດຖິຕາ ເອວັງ
ຂິບປະເມວະ ສະມິດສັນຕຸ ໂຍ ຈະ ບຸບເພປະມັດຊິດຕວາ ປັດສາໂສ ນັບປະມັດຊະຕິ ໂສ ມັງ ໂລກັງ
ປະພາເສຕິ ອັບພາມຸດໂຕ ວະຈັນທິມາ ຍັສສະ ປາປັງ ກະຕັງ ກັມມັງ ກຸສະເລນະ ປະຫິຍະຕິ ໂສ ມັງ
ໂລກັງ ປະພາເສຕິ ອັນພາມຸດໂຕວະ ຈັນທິມາ ອະພິວາທະນະສີລິດສະນິດຈັງ ວຸດທາ ປະຈາຍິໂນ
ຈັດຕາໂຣ ທັມມາ ວັດທັນຕິ ອາຍຸ ວັນໂນ ສຸຂັງ ພະລັງ
ຈະວ່າຫຍໍ້ພຽງເທົ່ານີ້ກໍ່ໄດ້ ຖ້າຈະວ່າໂດຍອັດຖະ ວ່າດັ່ງຕໍ່ໄປນີ້ ຄຳແປ
ຄວາມປາຖນາ
ທີ່ທ່ານຕັ້ງໄວ້ດັ່ງນີ້ຂໍຈົ່ງສຳເລັດໂດຍໄວໆ ກາຍະກຳ ວະຈີກຳ ມະໂນກຳ
ທີ່ທ່ານທັງຫລາຍໄດ້ສະລ້າງຜິດພາດ ໄດ້ປະມາດຕໍ່ຂະນ້ອຍ ໃນທີ່ຕໍ່ໜ້າແລະລັບຫຼັງ
ຂະນ້ອຍຂໍອະໂຫສິກຳໃຫ້ ຢ່າໄດ້ເປັນບາບເປັນກຳຕໍ່ກັນເລີຍອັນໜຶ່ງ ຂະນ້ອຍສະ
ລ້າງຜິດພາດໄດ້ປະມາດຂອງທ່ານທັງຫລາຍດ້ວຍ ກາຍ ວາຈາ ໃຈ ຂໍອະໂຫສິກຳ ອົດໂທດໃຫ້
ບຸນກຸສົນທີ່ທ່ານທີ່ທ່ານທັງຫລາຍ ທີ່ທຳເພັງມາດ້ວຍ ກາຍ ວາຈາ ໃຈ
ຂະນ້ອຍຂໍອະນຸໂມທະນາສາທຸການ ອັນໜຶ່ງ ບຸນກຸສົນທາງ ກາຍ ວາຈາ ໃຈ
ທີ່ຂະນ້ອຍໄດ້ບັນພະຊາອຸປະສົມບົດ ຈະອຸທິດດບຸນກຸສົນໃຫ້ແກ່ທ່ານທັງຫລາຍ ຂໍທ່ານທັງຫລາຍ
ຈົ່ງມີວຸດທິສະວັດສະດີເຣີນງອກງາມໃນພະບໍວອນພຣະພຸທສາສນາ
ຮຸ່ງເຮື່ອງສຸກໄສເໝືອນດັ່ງພຣະຈັນວັນເພັງອັນລອຍເດັນຢູ່ໃນອາກາດ
ປາດສະຈາກໝອກເມກບໍ່ໄດ້ໝອງ ອັນນຶ່ງ ນິຣາສສາຈາກ ທຸກໂສກ ໂຣກ ພັຍ ອຸປະສະຈາກອັນຕລາຍ
ພ້ອມພູນບໍລິບູນ ດ້ວຍຈະຕຸພິດທະພອນໄຊ 4 ປະການ ຄື ອະຍຸ ວັນນະ ສຸຂະ ພະລະ
ຈົ່ງທຸກທີ່ພາລາຕິການທ່ານເທີ້ນ
ຖ້າໝອບໃຫ້ເງີຍຂື້ນວ່າ ອຸກາສະ ທະວາລັດຕະເຍນະ ກະຕັງ ສັບພັງ ປາຣະທັງ ຂະມະຖະ
ເມພັນເຕ ຄຳແປ.ຄວາມທັງພາດທັງຫລາຍ ທີ່ຂ້ານ້ອຍໄດ້ກະທຳແລ້ວ ດ້ວຍໄຕຣທະວານ
ຂໍທ່ານຈົ່ງອົດໂທດແກ່ຂ້ານ້ອຍ.
ທ່ານຮັບວ່າ ອະຫັງ ຂະມາມິ ຕຸມເຫຫິປິ ເມ ຂະມິຕັບພັງ ຄຳແປ.
ຂ້ານ້ອຍອົດໂທດໃຫ້ພວກທ່ານ ພວກທ່ານກໍ່ເພິ່ງອົດໂທດໃຫ້ແກ່ຂ້ານ້ອຍຮັບພ້ອມວ່າ:
ອຸກາສະ ຂະມາມິພັນເຕ
ຄຳແປ.ຂ້ານ້ອຍອົດໂທດໃຫ້ແກ່ທ່ານແລ້ວວ່າເລີຍໄປຈົນຈົບ ວັນທາ ມິພັນເຕ ສັບພັງ ເປ
ອະນຸໂມທາມິ ກາບສາມເທື່ອແລ້ວແຈກຂອງແກ່ພຮະສົງສາມະເນນ. *ໝາຍເຫດ: ພຣະສົງແກ່ພັນສາຫຼືເຈົ້າອາວາສເປັນຕົວແທນຮັບຂະມາໂທດ ຮັບສັກກາຣະ.
*ພຣະສົງເຂົ້າພັນສາ
ວັນແຮມຄໍ່ານຶ່ງເດືອນ 8
ເປັນວັນພຣະສົງເຂົ້າພັນສາກ່ອນຈະອາທິຖານໃນໃຈເຂົ້າພັນສາ
ວ່າທຳວັດຄາລາວະກັນຕາມແຕ່ຜູ້ແກ່ຜູ້ອ່ອນ ຄຳທຳວັດເໝືອນກັບທຳວັດເໝືອນພຣະພຸທຣູບທຸກປະການ
ເສັດແລ້ວອະທິຖານເຂົ້າພັນສາ ຕາມແກ່ຕາມອ່ອນເປັນລຳດັບຮູບລະສາມເທື່ອ “ອິມັສສມີງ ອາວາເສ
ອິມັງ ເຕມາສັງ ວັສສັງ ອຸເປມິ”
ແປວ່າ
ຂ້າພຣະເຈົ້າເຂົ້າຈຳພັນສາໃນອາວາສນີ້ຕະຫລອດມາສນີ້ ຕໍ່ນັ້ນຖ້າຟັງໂອວາດ
ທີ່ທ່ານເຈົ້າອາວາດຈະແນະນຳຕັກເຕືອນ ພຣະສົງ ສາມເນນໃນການປະຕິບັດພຳເພັງ
ສມາຖະວິປັດສນາ
ເອົາໃຈໃສ່ພຳເພັງໄຕຣສິກຂາຄື ສິນ ສມາທິ ປັນຍາ ໃຫ້ສົມບູນ..
