ຄວາມຮັກ
ຜູ້ຊາຍທີ່ຮັກຈິງ 7 ຂໍ້ນີ້ຕ້ອງປະຕິບັດ
Posted on
1. ເວົ້າຄວາມຈິງຫລາຍກວ່າເອົາໃຈ: ແນ່ນອນວ່າທຸກໆ
ຄົນໃຜໆກໍຕ້ອງຢາກໄດ້ຍິນຄຳເວົ້າທີ່ເອົາອົກເອົາໃຈກັນທັງນັ້ນ
ແຕ່ຢ່າລືມໄປວ່າສິ່ງນັ້ນໆລ້ວນແລ້ວແຕ່ເປືອກນອກທັງນັ້ນແລະ ແລະ
ຈົ່ງຈຳໄວ້ວ່າຄົນທີ່ຮັກເຈົ້າຈິງນັ້ນ ເຂົາຈະເລືອກເວົ້າແຕ່ຄວາມຈິງ ສິ່ງທີ່ເຂົາຜິດພາດ
ອອກມາໃຫ້ເຈົ້າໄດ້ຮູ້ຫລາຍກວ່າການເວົ້າເອົາໃຈ ເພື່ອໃຫ້ເຈົ້າພໍໃຈແລະ
ເປັນການຕັດປັນຫາບໍ່ໃຫ້ເຈົ້າຄຽດ. ດັ່ງນັ້ນຖ້າຜູ້ຊາຍ ບອກໃຫ້ເຈົ້າອອກກຳລັງກາຍ
ເພາະເຈົ້າອ້ວນເກິນໄປແລ້ວກໍ່ບໍ່ຕ້ອງນ້ອຍໃຈ ກະແລ້ວກັນ ນັ້ນຄືຜູ້ຊາຍປາກຮ້າຍ
ແຕ່ນັ້ນຄືຜູ້ຊາຍທີ່ຈິງໃຈ ຫນ້າຮັກອີກດ້ວຍເດີ ຈະບອກໃຫ້ .
2. ຮູ້ຈັກການປະນີປະນອມ: ເປັນຄົນທີ່ເວົ້າແທ້ທຳຈິງ ແລະ
ທຸກການຕັດສິນໃຈເຕັມໄປດ້ວຍເຫດ ແລະ ຜົນເກືອບທຸກຄັ້ງ
ຮູ້ຈັກການຖະຫນອມທອມຕົວຕໍ່ຄົນອື່ນໆ ຍ່ອມລະເຫດຜົນຂອງຕົນເອງ ເພື່ອຄົນຮັກ
ຜູ້ຊາຍແບບນີ້ຫາບໍ່ງ່າຍເລີຍ ຖ້າໄດ້ແລ້ວຮັກສາໄວ້ໃຫ້ດີໆ ເດີ.
3. ຕື່ມຄວາມຫວານໃຫ້ກັນສະເຫມີ:
ແມ່ນວ່າເຂົາຈະເປັນຄົນທີ່ຈິງຈັງກັບວຽກງານປານໃດກໍຕາມ
ແຕ່ກໍບໍ່ເຄີຍລືມໂອກາດອັນສຳຄັນໃນການທີ່ຈະພາເຈົ້າໄປສຳຜັດກັບບັນຍາກາດດີໆ ສະຖານທີ່ງາມໆ
ອາຫານແຊບໆ ແລະ ຂອງຂວັນເລັກໆ ນ້ອຍໆ ມອບແທນໃຈໃຫ້ເຈົ້າໃນວັນອັນສຳຄັນທີ່ສຸດ.
ສ້າງຮອຍຍິ້ມໃຫ້ກັບເຈົ້າໃນເວລາທີ່ເຈົ້າອ່ອນແອ ໃນເວລາທີ່ເຈົ້າທໍ້ແທ້ ຄື
ເຂົາຈະຢືນຄ້ຽງເຈົ້າສະເຫມີ. ນີ້ລະຄືຜູ້ຊາຍທີ່ລູກຜູ້ຍິງຕ້ອງການ ຖ້າໄດ້ພົບເຈິແລ້ວ
ບອກເລີຍຢ່າປ່ອຍໃຫ້ຫລຸດມືເດັດຂາດ.
4. ຮູ້ສຶກອຸນໃຈທີ່ໄດ້ຢູ່ໃກ້ເຂົາທຸກເວລາ :
ແມ່ນວ່າບາງຄັ້ງບາງເວລາເຂົາຈະຢູ່ແບບງຽບໆບໍ່ໄດ້ອອກອາການໃດໆກໍຕາມ
ແຕ່ວ່າເຈົ້າຮູ້ສຶກອຸ່ນໃຈ ແລະ ຮູ້ສຶກປອດໄພເມື່ອໄດ້ຢູ່ ກັບເຂົາ . ນັ້ນກໍສະແດງວ່າເຂົານັ້ນຄືຄົນທີ່ແມ່ນສຳລັບເຈົ້າແລ້ວລະ,ຢ່າລືມໄປວ່າຜູ້ທັງຫລາຍແມ່ນວ່າຈະ
In love ພຽງໃດກໍຕາມ ກໍຕ້ອງມີບາງມຸມທີ່ກັງວົນວ່າ ເຂົາຈະຖິ້ມ ຫລື ເລີກ ກັບເຈົ້າໃນເວລາໃດ
ຖ້າເຈົ້າມີຄຳຖາມເຫລົ່ານີ້ໃນຫົວ ຖ້າເຂົາຂໍເຈົ້າແຕ່ງງານ ກໍຕັດສິ້ນໃຈ Say Yes ໄປເລີຍ.
5. ເປັນຄູ່ຊີວິດທີ່ດີ : ບໍ່ພຽງແຕ່ເປັນຄົນຮັກທີ່ດີເທົ່ານັ້ນ
ແຕ່ເຂົາເກືອບຈະເປັນທຸກຢ່າງໃນຊີວິດຂອງເຈົ້າ ບໍ່ວ່າຈະເປັນພໍ່ໃຫຍ່ຈອມໂຫດທີ່ທັງຫຶງ ແລະ
ຫ່ວງເມື່ອເຈົ້າກັບບ້ານບໍ່ຕົງເວລາ, ເປັນອ້າຍທີ່ແສນດີທີ່ຄອຍປອບໃຈໃນເວລາທີ່ເຈົ້າຮູ້ສຶກອ່ອນແອ, ເປັນນ້ອງຊາຍສຸດແສບທີ່ບາງຄັ້ງກໍຂີ້ນ້ອຍໃຈເພື່ອໃຫ້ເຈົ້າຕາມໃຈ
ຫລື ເປັນເພື່ອນທີ່ດີຂອງເຈົ້າທີ່ພ້ອມຈະເຂົ້າໃຈແມ່ນວ່າເຈົ້າຈະບໍ່ເວົ້າຫຍັງອອກມາເລຍ
ທີ່ສຳຄັນຈະບໍ່ຖິ້ມເຈົ້າໄປແມ່ນວ່າເຈົ້າຈະໄລ່ເຂົາໄປກໍຕາມ.
6. ເປັນຄັນທີ່ຊ່ວຍກັນແບ່ງເບົາພາລະ :
ຫາກແມ່ນວ່າເຂົາບໍ່ເຄີຍປ່ອຍໃຫ້ເຈົ້າລຳບາກ ຫລື ເມື່ອຍໄປຕາມລຳພັງ
ບໍ່ວ່າຈະການຊ່ວຍການເຮັດວຽກບ້ານເລັກໆ ນ້ອຍໆ,ການວາງແຜ່ນການທ່ອງທ່ຽວ,ການເກັບເງິນ
ຫລື ເປັນແຮງພັກດັນທີ່ດີຂອງເຈົ້າແບບສະເຫມີຕົ້ນສະເຫມີປາຍ
ນັ້ນສະແດງວ່າເຂົາພ້ອມທີ່ຈະເປັນສາມີທີ່ດີຂອງເຈົ້າດ້ວຍເຊັ່ນກັນ
ຢ່າລື່ມວ່າການແບ່ງເບົາພາລະປັນຫາເຊິ່ງກັນແລະກັນເປັນ ກະແຈອັນສຳຄັນທີ່ສຸດຂອງຊີວິດຄູ່
..
7. ເບິ່ງການໄກ: ເປັນອີກຫນຶ່ງລັກສະນະຂອງຜູ້ນຳຄອບຄົວທີ່ດີ
ເພາະການທີ່ເບິ່ງອານາຄົດໄກນັ້ນບົ່ງບອກຫລາຍຢ່າງເຊັ່ນ : ການດູແລຕົວເອງຢ່າງດີເພື່ອສຸຂະພາບທີ່ດີໃນວັນຂ້າງຫນ້າ
ເພາະເງິນທີ່ໄດ້ມາຈະບໍ່ຕ້ອງເສຍຄ່າໃຫ້ກັບໂຮງຫມໍເພື່ອຮັກສາຕົວ,ການາງແຜນຄອບຄົວເປັນສິ່ງທີ່ສຳຄັນ, ການປະຢັດມັດທະຍັດ, ອານາຄົດຂອງລູກໆ
ແລະ ອື່ນໆ ສາລະພັດ
ຫາກຜູ້ຊາຍຄົນໃດທີ່ມີຄວາມແບບນີ້ໃນຫົວຫລືມັກແບ່ງປັ້ນໃຫ້ເຈົ້າຟັງຢູ່ສະເຫມີ ຖືວ່າເຈົ້າຄືຄົນທີ່ໂຊກດີທີ່ສຸດແລ້ວ..
ມາເບີ່ງ
ສາເຫດທີ່ຜູ້ຍິງນອກໃຈຜູ້ຊາຍ ຍ້ອນຫຍັງແນ່ໄປເບີ່ງເລີຍ
ມາເບີ່ງ
ສາເຫດທີ່ຜູ້ຍິງນອກໃຈຜູ້ຊາຍ ຍ້ອນຫຍັງແນ່ໄປເບີ່ງເລີຍ
Posted onມາເບີ່ງ
ສາເຫດທີ່ຜູ້ຍິງນອກໃຈຜູ້ຊາຍ ຍ້ອນຫຍັງແນ່ໄປເບີ່ງເລີຍ
ຂຶ້ນຊື່ວ່າ ຜູ້ຍິງ ສ່ວນຫຼາຍເປັນຄົນທີ່ ມີຄວາມຮັກໝັ້ນຄົງ, ຖ້າຮັກໃຜແລ້ວ ກໍຈະຮັກຄົນນັ້ນຄົນດຽວ ບໍ່ນອກໃຈ, ແຕ່ຖ້າຜູ້ຍິງຫາກວ່າ
ໃຫ້ຜູ້ຍິງໄດ້ຮູ້ວ່າແຟນຂອງຄົນນັ້ນບໍ່ໃຫ້ກຽດກັນ, ແອບນອກໃຈກັນ ຈະເຮັດໃຫ້ຜູ້ຍິງ ໝົດກຳລັງໃຈທີ່ຈະສູ້ອິກຕໍ່ໄປ
ເລີຍເຮັດໃຫ້ຜູ້ຍິງນອກໃຈ ຫຼືອາດໝົດຮັກຜູ້ຊາຍຄົນນັ້ນເລີຍກໍວ່າໄດ້
ແລະສາເຫດອີກຢ່າງໜຶ່ງທີ່ຜູ້ຍິງນອກໃຈຜູ້ຊາຍນັ້ນມີຄື:
ເພາະສາມີ ຫຼືແຟນ ບໍ່ມີເຫດຜົນ ວາງໂຕເອງເປັນໃຫຍ່ ຈິກຫົວໃຊ້
ເຖິງແມ່ນຈະໃຊ້ເງິນຄົນລະກະເປົາຜູ້ຍິງສ່ວນຫຼາຍ ກໍມີວຽກເຮັດທີ່ໝັ້ນຄົງຄືກັບຜູ້ຊາຍ
ແຕກັບບມາເຮືອນກັບໄດ້ເຮັດວຽກເຮືອນຄົນດຽວເວລາຜູ້ຍິງມີລູກ ໃນມື້ພັກຜ່ອນ
ເສົາອາທິດຜົວກັບໄປສັງສັນກັບໝູ່ເພື່ອນ ແທນທີ່ຈະຊ່ວຍເມຍຢູ່ເຮືອນ
ກັບປະໃຫ້ເມຍເຮັດວຽກຄົນດຽວ, ນອກຈາກເຮັດວຽກເຮືອນແລ້ວ
ຍັງຕ້ອງໄດ້ດູແລລູກອີກ.
ຜູ້ຍິງມີພາລະທີ່ຫຼາຍຂຶ້ນ ແຕ່ບໍ່ມີຄົນຊ່ວຍແບ່ງເບົາ, ເມື່ອຍທີ່ຕ້ອງໄດ້ເຮັດວຽກເຮືອນຄົນດຽວ
ແຕ່ສາມີກັບນອນເບິ່ງໂທລະພາບ ມັນເຮັດໃຫ້ຜູ້ຍິງເມື່ອຍ ແລະຫງຸດຫງິດແລ້ວກໍໃຈຮ້າຍຂຶ້ນ
ແລະກໍຜິຖຽງກັນເກີດຂຶ້ນ.
ເງິນທີ່ສາມີຫາມາໄດ້ໃຫ້ເມຍ, ເມຍກໍຈະເອົາມາຈ່າຍຄ່າເຮືອນ ຄ່າລົດ ແຕ່ຄ່າອາຫານ ແລະເງິນໄປເຮັດວຽກແຕ່ລະມື້
ເມຍກໍເອົາໃຫ້ສາມີ ຫຼືແຟນ ບໍ່ເຄີຍເຫັນຄ່າໃນສິ່ງທີ່ຕົວເອງເຮັດ ເມຍຊັກເຄື່ອງ
ລີດເຄື່ອງໃຫ້, ຫາເຂົ້າປາອາຫານມາໃຫ້ກິນ, ນໍ້າເຢັນໆມາໃຫ້ກິນ ແຕ່ຄົນເປັນຜົວບໍ່ເຄີຍເວົ້າຂອບໃຈໃນສິ່ງທີ່ເມຍຕັ້ງໃຈເຮັດໃຫ້
ເຊິ່ງຜູ້ຍິງກໍບໍ່ຄິດຈະທວງບຸນຄຸນ ແຕ່ບໍ່ຢາກໃຫ້ຄິດວ່າເປັນໜ້າທີ່ຂອງຜູ້ເປັນເມຍ.
- ນິໄສຂອງ “ຜົວທີ່ດີ” ໃຜມີຜົວແບບນີ້
ທ່ານເປັນຜູ້ຍີງທີ່ໂຊກດີທີ່ສຸດໃນໂລກ
ນິໄສຂອງ “ຜົວທີ່ດີ” ໃຜມີຜົວແບບນີ້
ທ່ານເປັນຜູ້ຍີງທີ່ໂຊກດີທີ່ສຸດໃນໂລກ
Posted on
5 ນິໄສຂອງ “ຜົວທີ່ດີ” ໃຜມີຜົວແບບນີ້ ທ່ານເປັນຜູ້ຍີງທີ່ໂຊກດີທີ່ສຸດໃນໂລກ
ການທີ່ຈະຫາຜູ້ຊາຍມາເປັນ ‘ຜົວ’ ບໍ່ແມ່ນວ່າຈະຫາກັນໄດ້ງ່າຍໆ ກວ່າຈະໄດ້ມາເປັນຂອງໂຕເອງຈັກໜຶ່ງຄົນຕ້ອງໃຊ້ທັງຄວາມງາມ ແລະ ຕ້ອງມີ ‘ບຸບເພສັນນິວາດ’ ຮ່ວມກັນ ຈຶ່ງຈະຕົກລົງປົງໃຈເປັນຜົວເມຍກັນໄດ້ໃນທີ່ສຸດ. ແຕ່ທີ່ຍາກທີ່ສຸດ ຍາກກວ່າມີຜົວກໍຄື ‘ນິໄສຂອງຄົນເປັນຜົວ’ ນີ້ແຫຼະ ເພາະຜູ້ຊາຍແຕ່ລະຄົນຕ່າງກໍ່ມີບຸກຄະລິກຕ່າງກັນ ຈະໃຫ້ຜູ້ຊາຍທຸກຄົນເປັນແບບທີ່ຄິດຄົງເປັນໄປບໍ່ໄດ້. ແຕ່ຖ້າໄດ້ ‘ຜົວທີ່ດີ’ ທີ່ມີນິໄສແບບນີ້ນຳແລ້ວ, ນອກຈາກຈະເປັນຜູ້ຍີງທີ່ໂຊກດີແລ້ວ ນິໄສເຫຼົ່ານີ້ຍັງເປັນພື້ນຖານທີ່ເຮັດໃຫ້ຊີວິດຄູ່ຍືນຍາວຂຶ້ນອີກດ້ວຍ.
1. ວິທີບໍລິຫານຄວາມຮັກແບບງ່າຍໆ ທີ່ເປັນພື້ຖານທີ່ສຸດໃນຄອບຄົວກໍຄື ‘ການມີອາລົມຕະຫຼົກ’. ການຢອກຫຼິ້ນກັນລະຫວ່າງຄູ່ແຕ່ງງານ ບໍ່ພຽງແຕ່ຈະເຮັດໃຫ້ຄວາມສຳພັນຮັກຍາວນານ ແຕ່ຍັງມີສ່ວນເຮັດໃຫ້ຄູ່ແຕ່ງງານມີສຸຂະພາບຈິດທີ່ດີ. ຫາກຜົວສາມາດເຮັດໃຫ້ເມຍຍິ້ມ ແລະ ຫົວເປັນກຳລັງໃຈໃຫ້ກັນສະເໝີໆ ບໍ່ວ່າຈະພົບບັນຫາແລະ ອຸປະສັກໃດກໍຕາມ, ເຂົາກໍຈະບໍ່ຊີຣຽສກັບມັນເກີນໄປ ແລະໃຊ້ຊີວິດຢູ່ນຳກັນຢ່າງມີຄວາມສຸກນັ້ນເອງ.
2.ມີຄວາມຮັບຜິດຊອບ
: ຜົວທີ່ມີຄວາມຮັບຜິດຊອບ ຄອຍຖ້າຊ່ວຍເຫຼືອຄົນຮັກ ແລະ ຄອບຄົວຢ່າງບໍ່ເບິ່ງຢູ່ລ້າໆ ບໍ່ມີທາງທີ່ຜູ້ຍິງຢ່າງເຮົາຈະບໍ່ຮັກເຂົາຫຼາຍຂຶ້ນ. ເພາະຢ່າລືມວ່າ ໃນອະນາຄົດພາຍຫຼັງ ຊີວິດຄູ່ຈະບໍ່ໄດ້ມີພຽງແຕ່ເລື່ອງຂອງຄົນສອງຄົນເທົ່ານັ້ນ ແຕ່ຈະເປັນເລື່ອງຂອງລູກໆ, ຂອງຄອບຄົວ ທີ່ຈະມີເລື່ອງຈຸກຈິກໃນເຮືອນອີກຫຼວງຫຼາຍ. ການທີ່ຜົວບໍ່ປ່ອຍໃຫ້ເປັນໜ້າທີ່ຂອງໃຜພຽງຝ່າຍດຽວ ບໍ່ວ່າຈະເປັນເລື່ອງນ້ອຍ ຫຼື ເລື່ອງໃຫຍ່ ນັບເປັນການຮັກສາຄວາມຮູ້ສຶກໃນຫົວໃຈໃນລະຫວ່າງກັນໄວ້ບໍ່ເຫືອດແຫ້ງຫາຍໄປ.
3.ສະເໝີກົກສະເໝີປາຍ
: ເຮົາເຊື່ອວ່າຜູ້ຍິງທຸກຄົນຕ່າງເຂົ້າໃຈດີວ່າ ຊີວິດຫຼັງຈາກແຕ່ງງານບໍ່ໄດ້ຈະຫວານກັນຕະຫຼອດໄປ, ມື້ໃດມື້ໜຶ່ງກໍອາດມີຈືດຈາງລົງ. ແຕ່ສິ່ງທີ່ຢາກໃຫ້ບັນດາຜົວຮັບຮູ້ໄວ້ກໍຄື ຄວາມຫວານໃນຊີວິດຄູ່ ມັນເຕີມໃຫ້ກັນໄດ້ຢູ່ຕະຫຼອດສະແດງອອກໃຫ້ນາງຮູ້ໄປເທາະ ບໍ່ວ່າຈະເວົ້າຄຳຮັກ ຫຼື ມີຂອງຂວັນເຊີໄພຣສ໌ ພາກັນໄປທ່ຽວປ່ຽນບັນຍາກາດ, ພາໄປເດດ ແລະ ອື່ນໆ. ຖ້າທຸກຢ່າງຍັງເຮັດຄືກັນກັບມື້ທຳອິດ ທີ່ແຕ່ງ, ແນວໃດເມຍກໍຫຼົງຮັກທ່ານຊ້ຳໆ ໄດ້ບໍ່ມີເບື່ອດອກ.
4.ມີຄວາມອົດທົນ
: ຍາມໃດກໍຕາມທີ່ເກີດບັນຫາຂຶ້ນໃນຄອບຄົວ, ແລ້ວຄູ່ຮັກມີຄວາມອົດທົນ ຮ່ວມມືຮ່ວມໃຈ ຜ່ານຜ່າຕໍ່ບັນຫາ ແລະຄວາມຍາກລຳບາກໄປນຳກັນໄດ້ ບໍ່ວ່າຈະຍາກສໍ່າໃດ ມັນຄືບົດພິສູດຄວາມຮັກທີ່ທ່ານມີຕໍ່ກັນ. ເມື່ອຜ່ານຈຸດນີ້ໄປໄດ້ທ່ານຈະເຂົ້າອົກເຂົ້າໃຈ ເກີດເປັນຄວາມຜູກພັນທີ່ແໜ້ນແຟ້ນຈົນບໍ່ອາດມີຫຍັງມາທຳລາຍຄວາມຮັກຂອງທ່ານໄດ້.
5.ຮັກດຽວໃຈດຽວ ບໍ່ຫຼາຍໃຈ : ເລື່ອງນີ້ເປັນເລື່ອງສຳຄັນທີ່ສຸດເລີຍ. ຊາຍທີ່ບໍ່ມີນິໄສຫຼາຍໃຈ ຮັກດຽວໃຈດຽວ ຍິງໃດໄດ້ໄປ ຖືວ່າໂຊກດີຍິ່ງກວ່າຖືກເລກອີກ. ເພາະຖ້າຜົວມີນິໄສມັກມາກຫຼາຍໃຈ ລັກເຊື່ອງກິກໄວ້ເມື່ອໃດ ບໍ່ວ່າຈະຮັກກັນຫຼາຍສໍ່າໃດ ຮັບຮອງວ່າຢູ່ກັນບໍ່ຍາວ. ຕໍ່ໃຫ້ຜູ້ຍິງຈະໃຫ້ອະໄພກໍບໍ່ມີມື້ຄືເກົ່າແນ່ນອນ.
ກໍຄືທີ່ເຄີຍໄດ້ຍິນກັນມານັ້ນລະວ່າ ຊີວິດຄູ່ມັນບໍ່ໄດ້ຢຸດຢູ່ພຽງແຕ່ແຕ່ງງານ. ການແຕ່ງງານມັນເປັນພຽງແຕ່ຈຸດເລີ່ມຕົ້ນເທົ່ານັ້ນ. ຄູ່ແຕ່ງງານຈະເປັນ ‘ຄູ່ແທ້ກັນ’ ຂອງກັນແທ້ ຫຼື ບໍ່, ຍັງຕ້ອງເບີ່ງກັນອີກຍາວ. ເຮົາບໍ່ຮູ້ດອກວ່າຊີວິດຄູ່ຈະຕ້ອງພົບກັບເລື່ອງລາວຫຍັງແດ່. ແຕ່ສິ່ງໜຶ່ງທີ່ຮູ້ໄດ້ ແລະ ເປັນວິທີທີ່ຊ່ວຍໃຫ້ຄວາມສຳພັນລະຫວ່າງຊີວິດຄູ່ຍາວນານກໍຄື ‘ນິໄສຂອງຄົນເປັນຜົວ’ ນີ້ລະ. ທີ່ສຳຄັນທີ່ສຸດ, ການເປັນຜູ້ຍິງທີ່ໂຊກດີທີ່ສຸດໃນໂລກບໍ່ແມ່ນເປັນຜູ້ຍິງທີ່ງາມທີ່ສຸດ ແຕ່ການມີຄົນຮັກທີ່ເຂົ້າໃຈ ແລະ ຮັກກັນບໍ່ວ່າຈະຍາມທຸກຍາມຍາກ ນັ້ນຕ່າງຫາກ ຄືຄວາມຮັກທີ່ແທ້ຈິງ.
ບົດສົນທະນານ້ອຍລົງ ສັນຍານບົງບອກວ່າເຂົາໝົດຮັກເຈົ້າແລ້ວ
ບົດສົນທະນານ້ອຍລົງ
ສັນຍານບົງບອກວ່າເຂົາໝົດຮັກເຈົ້າແລ້ວ
Posted on
ລອງສັງເກດເບີ່ງ 12 ອາການຂອງ ທີ່ບົ່ງບອກວ່າເຂົາໝົດຮັກເຈົ້າແລ້ວ?
1. ເຂົາບໍ່ໄດ້ໂທຫາເຈົ້າມາຫຼາຍມື້ແລ້ວ:
ຖ້າສຳລັບຄົນປົກກະຕິໂທຫາກັນທຸກມື້ແລະຢູ່ໆເຂົາກໍ່ໂທຫາໜ້ອຍລົງ ເລື້ອຍໆ
ຫຼືຂາດການຕິດຕໍ່ ເປັນເວລາຫຼາຍມື້
ນີ້ເປັນສັນຍານເຕືອນລຳດັບທຳອິດທີ່ບອກໃຫ້ເຈົ້າຮູ້ວ່າ
ເຂົາຕ້ອງມີຫຍັງຜິດປົກກະຕິໄປຈາກເກົ່າ.
2. ຫາເລື່ອງຊວນຜິດກັນ : ຖ້າຢູ່ໆເຂົາເກີດບໍ່ພໍໃຈໃນບາງເລື່ອງທັງໆທີ່ກ່ອນໜ້ານີ້
ເຂົາກໍ່ສາມາດຍອມຮັບເລື່ອງດຽວກັນໄດ້ ແລະຍັງເກີດໃຫ້ເປັນປະເດັນໂຕ້ຖຽງກັນ
ນີ້ກໍ່ເປັນສັນຍານເຕືອນວ່າ ເຂົາບໍ່ມີຄວາມສຸກທີ່ຈະຢູ່ກັບເຈົ້າແລ້ວ
ບາງທີ່ເຈົ້າອາດຈະຖາມເຂົາຕົງໆເລີຍວ່າທີ່ຊວນຜິດກັນແບບນີ້
ເພາະບໍ່ໄດ້ຮູ້ສືກດີຕໍ່ກັນແບບເກົ່າແລ້ວຫຼືບໍ່.
3. ເຂົາກາຍເປັນຄົນມີເງື່ອນງຳຍິ່ງຂື້ນ:
ແບບວ່າເຂົາບໍ່ບອກກເຈົ້າຄືແຕ່ກ່ອນ ວ່າເຂົາກຳລັງເຮັດຫຍັງຢູ່ ຢູ່ໃສ ໄປກັບໃຜ
ຫຼືໂທລົມກັບໃຜແດ່ ຕ້ອງຖ້າໃຫ້ເຈົ້າຖາມກ່ອນເຖິງຈະຍອມບອກ ບາງເທືອ່ເຂົາກໍ່ເລີກວຽກ
ກໍ່ຫາຍວັບ ໄປເປັນຊົ່ວໂມງ ເຖິງຈະຕິດຕໍ່ກັບມາໂດຍເຮັດແບບບໍ່ມີຫຍັງເກີດຂື້ນ.
4. ເຂົາເຊົາເວົ້າໄປເລີຍກັບຄຳວ່າເຮົາ ແຕ່ປ່ຽນມາໃຊ້ຄຳວ່າ ຂ້ອຍ
ເຈົ້າ ແທນ: ເຄີຍນັ່ງນຳກັນແລະວາງແຜນກັນວ່າ ເຮົາຈະໄປທ່ຽວນຳກັນ
ເຮົາຈະເຮັດແບບນັ້ນແບບນີ້ນຳກັນ ເຂົາປ່ຽນມາເວົ້າວ່າ ອືມ…ຂ້ອຍຈະໄປຫັນໄປນີ້ເດີ້
ເວົ້າເຖິງແຕ່ໂຕເອງ ວ່າຢາກຈະໄປເຮັດຫຍັງຄົນດຽວ ເຂົາບໍ່ຮູ້ສືກດີ ທີ່ຢາກຈະເຮັດໃຫ້ເຈົ້າມາເຮັດຮ່ວມກັນອີກແລ້ວ.
5. ເຂົາໄປທ່ຽວກັບໝູ່ຫຼາຍກວ່າໃຫ້ເວລາກັບເຈົ້າ :
ຖ້າແຕ່ກ່ອນເຈົ້າເປັນຄົນທຳອິດທີ່ສຳຄັນທີ່ສຸດໃນຊີວິດເຂົາ ແຕ່ດຽວນີ້ກາຍເປັນວ່າ
ເຈົ້າຕ້ອງຜິດກັນເພາະວ່າເວລາໃດເຂົາກໍ່ມັກຈະໄປທ່ຽວກັບໝູ່ຕະຫຼອດ ຄວາມຮູ້ສືກຮັກ
ທີ່ເຂົາມີໃຫ້ເຈົ້າເລີ່ມໜ້ອຍລົງແລ້ວ.
6. ບັນຍາກາດມິດງຽບ ເວົ້າກັນໜ້ອຍລົງ: ຫາກເຈົ້າລົມກັນກັນ
ດ້ວຍເລື່ອງລາວຫຼວງຫຼາຍ ເລື່ອງນ້ອຍຈົນໄປຮອດເລື່ອງໃຫຍ່ ແຕ່ມາດຽວນີ້ກາຍເປັນວ່າເຂົາບໍ່ມີຄວາມຄິດເຫັນ
ມີແຕ່ຕອບວ່າ ອືມ ແມ່ນ ຫວາ ຈາກທີ່ເຄີຍລົມກັນຫຼາຍໆ ເຂົາຈົນບໍ່ຢາກລົມນຳເຈົ້າດົນໆ.
7. ໝູ່ໆ ອ້ອມໂຕເຈົ້າເລີ່ມຖາມວ່າລະຫວ່າງເຈົ້າມີຫຍັງຜິດປົກກະຕິຫຼືບໍ່:
ໝູ່ສະໜິດຂອງເຈົ້າ ເລີ່ມສັງເກດເຫັນຄວາມຫ່າງເຫີນລະຫວ່າງເຈົ້າກັບແຟນ ແລະ
ຖາມດ້ວຍຄວາມເປັນຫວ່ງວ່າເຈົ້າກັບແຟນຍັງຮັກກັນດີຫຼືບໍ່?.
8. ເຂົາວິຈານຫຼືຕຳນິເຈົ້າຫຼາຍກວ່າເກົ່າ: ຢ່າງເຊັ່ນວ່າ
ເຈົ້າແຕ່ງໂຕບໍ່ງາມ(ທັງໆທີ່ ຊຸດນີ້ແມ່ນຊຸດເກົ່າທີ່ເຂົາຍ້ອງວ່າງາມ)
ຫຼືຕຳໜິເຈົ້າໃນເລື່ອງເລັກໆນ້ອຍໆ
ທີ່ເຂົາເຄີຍຊິນມາແຕ່ດົນແລ້ວແລະບໍ່ເຄີຍເວົ້າໃຫ້ເຈົ້າມາກ່ອນ.
9. ບໍ່ຄິດດເຖິງກັນ ສັນຍານນີ້ແນ່ນອນເລີຍ:
ບໍ່ແມ່ນການທີ່ຄິດຮອດກັນຢາກຈະເຈິໜ້າກັນຕະຫຼອດ 24 ຊົ່ວໂມງ ບໍ່ແມ່ນການສົ່ງຂໍ້ຄວາມຫວານໆ ພ່ຳເພີລະເມີຫາ ລືຈະລາຍງານໂຕຕະຫຼອດເວລາ
ແຕ່ເປັນການຄິດຮອດເຖິງຄວາມເປັນໄປຂອງອີກຝ່າຍ ເຊັ່ນ ຍ່າງຜ່ານຮ້ານອາຫານແຊບໆ
ຄິດຢາກຈະຊວນເຈົ້າໄປກິນ ເຫັນເສື້ອຜ້າງາມໆກໍ່ຄິດຈະຊື້ໄປຝາກ ນີ້ຄືຄິດຮອດ
ທີ່ຈະສອດແຊກຢູ່ໃນຊີວິດປະຈຳວັນຂອງຄົນທີ່ຍັງຮັກກັນ.
10. ບໍ່ຢາກພົບ….ຖ້າຫາກໃນໜຶ່ງອາທິດ:
ເຈົ້າແຫຼະເຂົາມີເຫດໃຫ້ບໍ່ໄດ້ເຈິກັນ ແຕ່ບໍ່ໃຜຮູ້ສືກຮ້ອນຮົນຢາກທີ່ຈະເຈິກັນ
ເຮັດຄືກັບວ່າ ຖ້າໃຜຈັກຄົນຫາຍໄປ ກໍ່ອີກຫຼາຍວັນຄືຈະຮູ້ສືກໂຕ.
11. ບົດສົນທະນາຈືດແລະຝືດ: ບໍ່ມີເລື່ອງທີ່ຈະລົມກັນ ຖົກຖຽງ
ປຶກສາຕ່າງໆ ເວລາທີ່ເຈິກັນຢູ່ນຳກັນ ເຈົ້າມັກໄດ້ຍິນຄວາມງຽບດັງຂື້ນມາຜິດປົກກະຕິ
ຄວາມງຽບທີ່ບໍ່ແມ່ນຄວາມສະຫງົບ ແຕ່ກັບເປັນຄວາມເຫງົາງອຍຈືດຈາງຫຼືບໍ່
ເຈົ້າກໍ່ເປັນຝ່າຍທີ່ຫາເລື່ອງມາລົມ ເພື່ອທີ່ຈະເຕີມຊ່ອງຫວ່າງຢູ່ສະເໝີ
ນີ້ແຫຼະຈະສ້າງຄວາມເບື່ອໃນໄລຍະຍາວ.
12. ລືມວັນສຳຄັນ ຂອງກັນ ແລະ ກັນ: ບໍ່ວ່າຈະເປັນວັນເກີດ
ວັນຄົບຮອບຕ່າງໆ ຫຼືເຖິງວັນວາເລນທາຍ ກໍ່ບໍ່ກະຕຸ້ນຫຍັງເລີຍ
ຍິ່ງພໍເຖິງວັນປີໃໝ່ຍິ່ງເຮັດໃຫ້ເບື່ອໜ່າຍ ຢາກທີ່ຈະເຮັດວຽກຫຼາຍກວ່າເສຍອີກ ທີ່ສຳຄັນ
ເມື່ອພົບວ່າອີກຝ່າຍລືມວັນສຳຄັນຂອງເຮົາເຊັ່ນດຽວກັນ
ແຕ່ເຮົາກັບບໍ່ຮູ້ສືກວ່າເຂົາເຮັດຫຍັງຜິດ ຫຼືເວົ້າຢ່າງໜຶ່ງກໍ່ຄື
ເຮົາກໍ່ບໍ່ໄດ້ຄາດຫວັງວ່າເຂົາຈະຈື່ວັນສຳຄັນນີ້ດ້ວຍຊ້ຳ.
ເມື່ອຄວາມຮັກເລີ່ມຈືດຈາງລົງສິ່ງທີ່ຄວນເຮັດຄື
ການຕື່ມຄວາມຫວານໃຫ້ກັນແລະກັນ ແຕ່ເມື່ອຍັງບໍ່ດີຂື້ນ
ການຈາກກັນດ້ວຍດີກໍ່ເປັນສິ່ງທີ່ດີທີ່ສຸດ ເພາະຈະດືງໄວ້ກໍ່ຄົງບໍ່ມີປະໂຫຍດ
ໃນເມື່ອໃຈຂອງອີກຝ່າຍບໍ່ມີເຮົາແລ້ວ ຈັກມື້ໜຶ່ງເຊື່ອວ່າເຈົ້າຈະພົບຮັກດີໆ.
aa
