ຂ່າວຕ່າງປະເທດ

ຈີນ ຮຽກອາເມຣິກາ ວ່າໂຕທຳລາຍຄວາມຫມັ້ນຄົງຂອງໂລກຂະຫນາດໃຫ່ຍທີ່ສຸດ

ສຳນັກຂ່າວຕ່າງປະເທດລາຍງານເມື່ອວັນທີ່ 24 ພະຈິກ 2019 ວ່າ ທ່ານຫວັງ ອີ້ ລັດຖະມົນຕີກະຊວງການຕ່າງປະເທດຈີນ ກ່າວເມື່ອວັນເສົາ ນອກຮອບການປະຊຸມລັດຖະມົນຕີຕ່າງປະເທດກຸ່ມປະເທດເສດຖະກິດຂະຫນາດໃຫ່ຍ ຈີ20 ທີ່ເມືອງນາໂງຢາ ທາງພາກກາງຂອງຍີ່ປຸ່ນ ວ່າອາເມຣິກາເປັນປະເທດທີ່ຍຶດຕິດກັບຄວາມເປັນ ເອກພາຄີນິຍົມ ທີ່ຫມາຍເຖິງການປະຕິບັດທາງການເມືອງພຽງລຳພັງ ແລະການກີດກັນທາງການຄ້າ ຖອຍຫ່າງຈາກການມີປະຕິສໍາພັນຮ່ວມກັບປະຊາຄົມໂລກ ຊື່ງຖືເປັນ ກົນໄກບ່ອນທຳລາຍຂະຫນາດໃຫ່ຍທີ່ສຸດ ແລະເປັນການສ້າງຄວາມເສຍຫາຍໃຫ່ຍຫລວງໃຫ້ກັບກົນໄກການເມືອງ ແລະການຄ້າລະຫວ່າງປະເທດ ຊື່ງຕ້ອງອາໄສຄວາມຮ່ວມມືແບບພາຫຸພາຄີ

ຂະນະດຽວກັນ ລັດຖະບານວໍຊິງຕັນຍັງໃຊ້ກົນລະຍຸດດັງກ່າວເພື່ອກົດດັນ ແລະທຳລາຍພາກທຸລະກິດຂອງຈີນ ທີ່ເປັນການຕັ້ງຂໍ້ຫາໂດຍປາສະຈາກຫຼັກຖານ ບໍ່ຕ່າງຫຍັງກັບພຶດຕິກຳ ອັນຕະພານຄອຍຫາເລື່ອງ ນອກຈາກນີ້ ບັນດານັກການເມືອງຂອງອາເມຣິກາ ບາງຄົນ ຍັງຄົງເດີນສາຍເວົ້າຈາກ່າວຫາລັດຖະບານຈີນ ດ້ວຍການສັນນິຖານທີ່ເລື່ອນລອຍ ແລະຍັງອອກກົດຫມາຍຕາມອໍາເພີໃຈເພື່ອແຊກແຊງກິດຈະການພາຍໃນຂອງຈີນຢ່າງເປີດເຜີຍ ໂດຍສະເພາະການທຳລາຍຫຼັກການ ຫນື່ງປະເທດ ສອງລະບົບ ຊື່ງເປັນພື້ນຖານການປົກຄອງເພື່ອສ້າງສະຖຽນລະພາບ ແລະຄວາມຮຸ່ງເຮືອງໃຫ້ກັບຮົງກົງ

ໃນອີກດ້ານຫນື່ງ ທ່ານໂຣເບິຣຕ ໂອໄບຣອັນ ທີ່ປຶກສາດ້ານຄວາມຫມັ້ນຄົງແຫ່ງຊາດປະຈໍາ ທຳນຽບຂາວ ກ່າວວ່າລັດຖະບານວໍຊິງຕັນຍັງຄົງເບີ່ງເຫັນຄວາມເປັນໄປໄດ້ທີ່ຈະບັນລຸຂໍ້ຕົກລົງການຄ້າເຟສທຳອິດກັບຈີນພາຍໃນທ້າຍປີນີ້ ຢ່າງໃດກໍ່ຕາມ ອາເມຣິກາ ຈະບໍ່ນິ້ງເສີຍ ຕໍ່ສະຖານະການໃນຮົງກົງ ທະເລຈີນໃຕ້ ແລະເຂດປົກຄອງຕົນເອງຊິນຈຽງອຸຍກູຣຕະຫລອດຈົນທີ່ໃດກໍ່ຕາມເທີງໂລກ ຊື່ງລັດຖະບານວໍຊິງຕັນ ມີຄວາມວິຕົກກັງວົນ ຕໍ່ພຶດຕິກຳຂອງລັດຖະບານປັກກິ່ງ

ອີກຢ່າງ ທ່ານໂອໄບຣອັນກ່າວວ່າໂຕທ່ານເອງຍັງບໍ່ມີໂອກາດສົນທະນາກັບປະທານາທິບໍດີໂດນັລ ທຣັມ ກ່ຽວກັບຮ່າງກົດຫມາຍຮົງກົງທີ່ສະພາຄອງເກຣສສົ່ງມາໃຫ້ເມື່ອກາງອາທິດທີ່ຜ່ານມາຊື່ງຮ່າງກົດຫມາຍຈະມີຜົນບັງຄັບໃຊ້ໂດຍອັດຕະໂນມັດໃນວັນທີ່ 3 ທັນວາ ນີ້ ຫາກຜູ້ນຳອາເມຣິກາເລືອກທີ່ຈະປ່ອຍຜ່ານ ແຕ່ຫາກໃຊ້ສິດວີໂຕ້ກໍ່ຍັງຄົງມີໂອກາດສູງທີ່ສະພາຄອງເກຣສຈະລົງມະຕິຂວ້ຳອຳນາດວີໂຕ້ຂອງຜູ້ນຳອາເມຣິກາດ້ວຍສຽງສະຫນັບສະຫນູນເກີນ 2 ໃນ 3 ໃນທັງສອງສະພາ

ແມ່ມືໃຫ່ມເກີດລູກນ້ອຍເປັນແຝດຕິດກັນ 2 ຫົວ 3 ມື

ລາຍງານຈາກປະເທດອິນເດຍເມື່ອວັນທີ່ 26 ພະຈິກ ມິຣເຮີ ລາຍງານວ່າ ຍິງສາວອິນເດຍເກີດລູກນ້ອຍແຝດຕິດກັນລັກສະນະກາຍະພາບຫາຍາກ ໂດຍມີ 2 ຫົວ ແລະ 3 ມື

ນາງບາບິດາ ອາຫິຣວາຣ ອາຍຸ 21 ປີ ເກີດລູກດ້ວຍການຜ່າທ້ອງທີ່ໂຮງຫມໍ ເມື່ອວັນທີ່ 23 ແພດລະບຸວ່າ ແຝດນ້ອຍໃຊ້ຫົວໃຈຮ່ວມກັນ ແຕ່ຫົວແຍກກັນ ສ່ວນມືຂ້າງທີ່ 3 ມີ 2 ຝາມືຕິດກັນ

ເປັນຄວາມຮູ້ສຶກປະປົນລະຄົນກັນໄປ ເມື່ອພະຍາບານຢືນລູກໃຫ້ຂ້ອຍ ຕອນແລກຄິດວ່າເປັນລູກແຝດ ແຕ່ເມື່ອພະຍາບານເອົາຜ້າອອກ ຂ້ອຍຕົກໃຈທີ່ເຫັນລູກແຝດແລກເກີດມີ 2 ຫົວ ແລະ 3 ມື ນາງບາບິຕາກ່າວ

ດ້ານ ພະຍາບານ ຊູເຮນດຣາ ຊອນກາຣ ຜູ້ທຳການເກີດເດັກນ້ອຍກ່າວວ່າ ກາຍະພາບດັງກ່າວຂອງແຝດຕິດກັນເກີດຂື້ນໄດ້ຍາກຫລາຍມີຊື່ວິທະຍາສາດວ່າ tribrachius parapagus