ຮູ້ບໍ່ວ່າສະເຫນຂອງແມ່ຍິງລາວເຮົານັ້ນ ນອກຈາກຈະງາມທັງຫນ້າຕາ ແລະ ກິລິຍາແລ້ວ ຍັງຕ້ອງປະກອບ ດ້ວຍສິ່ງນີ້ “ເຮືອນ 3 ນ້ໍາ 4” ສາວໆຮູ້ສຶກແນວໃດເມື່ອໄດ້ຍິນຄໍານີ້ ເຄີຍໄດ້ຍິນມາແມ່ນບໍ່? ແຕ່ສາວໆບາງຄົນ ອາດຈະຍັງບໍ່ທັນຮູ້ຄວາມຫມາຍຂອງມັນຊັດເຈນເທື່ອ ແຕ່ທີ່ ເອົາມາຕ້ອນໃນມື້ນີ້ຮັບຮອງວ່າ ຈະຫມົດຂໍ້ສົງໄສເລຶ່ອງ “ເຮືອນ 3 ນ້ໍາ 4” ຢ່າງແນ່ນອນ.
ເຮືອນສາມ (ເຮືອນ 3)
1. ເຮືອນຄົວ: ເຮັດ ວຽກເຮືອນຄົວໃຫ້ດີງາມ ເປັນລະບຽບຮຽບຮ້ອຍ ທໍາຄວາມສະອາດເຮືອນຊານໃຫ້ເບິ່ງງົດງາມ, ຂອງໃຊ້ໃນເຮືອນຄົວ ຈັດໃຫ້ຖືກບ໊ອນ ຮັບຜິດຊອບງານຄົວກິນ, ນອກຈາກນັ້ນ ວຽກງານຄົວເຮືອນທຸກ ປະເພດແມ່ນຫນ້າທີ່ຂອງແມ່ຍິງ.
2. ເຮືອນຜົມ: ຄົນລາວບູຮານທຸກເຜົ່າຊົນແມ່ນເກົ້າຜົມໃຫ້ສວຍງາມສະ ເຫມີ, ແຕ່ປັດຈຸບັນນີ້ ມີທັງດັດ, ມີທັງຕັດ, ມີ ທັງຊອຍ ແຕ່ຈະເຮັດຈັ່ງໃດກໍ ສຸດແລ້ວແຕ່ຕາມໃຈມັກ ທັງນີ້ກໍຕ້ອງຮັບປະກັນຄວາມງາມ, ຄວາມສະອາດ ແລະຖືກ ກັບໂຄງຫນ້າ.
3. ເຮືອນກາຍ: ແຕ່ງກາຍໃຫ້ສະອາດຮຽບຮ້ອຍ ເບິ່ງແລ້ວງາມຕາ ແລະເວລາຢູ່ໃກ້ກໍຮູ້ສຶກດີ.
ນ້ໍາສີ່ (ນ້ໍາ 4)
1. ນ້ໍາດື່ມ: ນ້ໍາຫນ້າເຮືອນສະໄຫມເກົ່າກ່ອນເພີ່ນມີບໍ່ນ້ໍາຢູ່ຫນ້າເຮືອນໃສ່ກະບວຍໄວ້ພ້ອມ, ຫຼືຕັ້ງໄວ້ຫນ້າເດີ່ນ ບ້ານເລີຍ, ເວລາແຂກໄປໄທມາກໍໄດ້ ຕັກກິນສະບາຍ, ນ້ໍາໃນເຮືອນ ຄືນໍ້າໃນເຮືອນຄົວ ຫຼືເຮືອນໃຫຍ່ ອັນນີ້ເປັນ ນ້ໍາ ສໍາລັບໃຊ້ສອຍ ແລະ ທັງກິນ ບໍ່ໃຫ້ຂາດແອ່ງຂາດອຸ ຢ່າງນ້ອຍຍາມຫິວ ກາງຄືນກໍໄດ້ຕັກກິນ ຫຼືເມື່ອເກີດເຫດໄຟໄຫມ້
ຂຶ້ນມາພໍໄດ້ດັບໄຟໃນເບື້ອງ ຕົ້ນໄດ້. ຄົນບູຮານຈຶ່ງມີຄໍາເວົ້າວ່າ “ນໍ້າໃນໄຟຟືນ”.
2. ນໍ້າຄໍາ: ນ້ໍາຄໍານີ້ ເປັນຄໍາເວົ້າຄໍາ ຈາມ່ວນ ເພາະເສາະໃສ ບໍ່ກັບບໍ່ກອກ ເວົ້າຈາຊື່ກົງສະເຫມີຕົ້ນສະເຫມີປາຍ.
3. ນໍ້າໃຈ: ເປັນຄົນມີນ້ໍາໃຈໂອບອ້ອມອາ ຣີນໍາສຍາດຕິພີ່ນ້ອງ ແລະເພື່ອນຝູງ.
4. ນ້ໍາເຕົ້າປູນ: ຄວາມຫມາຍຫນຶ່ງແມ່ນ ຄົນລາວບູຮານທຸກເຜົ່າແມ່ນຄ້ຽວ ຫມາກທັງຍິງທັງຊາຍ, ສະນັ້ນຄໍາວ່າ ນ້ໍາເຕົ້າປູນ ບໍ່ຄວນໃຫ້ແຫ້ງ ຄັນນໍ້າເຕົ້າ ປູນແຫ້ງ ເຂົາວ່າຍິງເຮືອນນັ້ນຂີ້ຄ້ານ, ອີກຄວາມຫມາຍຫນຶ່ງ ຄືນໍ້າເຕົ້າປູນ ຄືພູມຄວາມຮູ້ຂອງແມ່ຍິງທີ່ເປັນແມ່ເຮືອນຕ້ອງມີຄວາມຮູ້ ສະຫຼາດໃນກິດຈະ ການງານທັງປວງ. ສະນັ້ນ, ຍິງງາມນັ້ນແມ່ນຍິງທີ່ມີອົງປະກອບ “ເຮືອນສາມນ້ໍາສີ່”,
