''' ກັນທີ ⓵ ທັດສະພອນ '''
''' ນະໂມຕັດສະ ພະຄະວະໂຕ ອະລະຫະໂຕ ສໍາມາ ສໍາພຸດທັດສະ ( ເວົ້າ 3 ເທື່ອ )
|
ຜຸດສະຕິ ວະລະວັນນາເພຕິ ອິທັງສັດຖາກະປິລະວັດຖງອຸປະນິດສາຍະ ນິໂຄທະອາຣາມເມວິຫະວັນໂຕ ໂປກຂາລະວັດສັງ ອາລັບພະ ກະຖສິ. ສາທະໂວ ດູລາສັບປຸລິສາທັງຫລາຍ
ສັດຖາ ອັນວ່າພະສັບພັນຍູເຈົ້າ ອຸປະນິດສາຍະ ອາໃສເຊິ່ງເມືອງກະປີ ລະວັດຖຸນະຄອນ
ເປັນທີ່ໂຄຈອນບິນດິບາດແລ້ວ ແລະຢູ່ສໍາລານໃນນິໂຄທະອາລາມ ອາລັບພະ ປາລົບ ເຊິ່ງຫ່າຝົນ
ໂບກຂາລະພັດ ອັນກະຈັດຕົກລົງມາໃນທີ່ຊຸມນຸມຍາຕິກາໃຫ້ເປັນເຫດແກ່ຍາມນັ້ນກະເຖສິພຣະກໍ່ປະວຸດຕິເທສະຫນາຍັງມະຫາເວດສັນຕະລະຊາດົກອັນປະດັບປະດາໄວ້ດ້ວຍຄາຖາພັນຫນື່ງ
ອັນພຣະຫາກກົດດ້ວຍຄາຖາບົດຕົ້ນວ່າ ຜຸດສະດີ ວະລະວັນນາເພຕິ ດັ່ງນີ້ແລ. ( ເຫດທີ່ຊົງສະແດງມະຫາເວດສັນຕະລະຊາດົກ ) ດ້ວຍແທ້ ສັດຖາ ອັນວ່າພະສັບພັນຍູເຈົ້າ ປະວັດຕິຕະປະລະທໍາມະຈັກໂກ ມີທໍາມະຈັກດວງ ປະເສີດ ຫາກປະວຸດເທສະຫມາ ຄັນຕະວາ ໄປສູ່ເມືອງລາຊະຄຶຫະນະຄອນ ອະນຸກກະມນະ ໂດຍລໍາດັບ ສັບພັນຍູເຈົ້າກໍ່ຢູ່ສໍາລານ ໃນເມືອງລາຊະຄຶຫະນະຄອນທີ່ນັ້ນໃຫ້ລຽງລະດູຫນາວ ວີສະຕີສະຫັດ ສະຂີ ນາສາລະປະລິວຸໂຕ ອັນມີຫມູອໍລະຫັນຕາເຈົ້າທັງຫຼາຍໄດ້ສອງຫມື່ນ ຫາກສະພາບແວດລ້ອມອ້ອມເປັນ ປະລິວານ ອັນມີພະອຸທາຍີເຖລະເປັນມັກຄະນາຍົກ ສໍາແດງຍັງຫົນທາງໄປກ່ອນຫນ້າ ອະຄະມາສິ ກໍ່ເຂົ້າ ໄປສູ່ເມືອງກະບິລະພັດ ປະຖາມະຄະນະເນນະ ດ້ວຍອັນທີ່ເປັນປະຖາມະຫົວທີ ຍະທາ ໃນກາລະຍາມໃດ ຕະທາ ໃນກາລະຍາມນັ້ນ ສາກະຍະລາສະໂນ ອັນວ່າທ້າວພະຍາຊາວສາກະຍະລາດທັງຫຼາຍ ສັນນີ້ປະຕິ ຕາວາ ມາປະຊຸມກັນວ່າ ມະຍັງ ອັນວ່າເຮົາທັງຫຼາຍ ປັດສິດສາມະ ກໍ່ຈັໄດ້ເຫັນຍັງເຈົ້າ ສີຫາດລາຊະ ກຸມມານ ອັນເປັນຫຼານຮັກຜູ້ປະເສີດ ເກີດໃນຕະກູນວົງສາ ອໍຫາກັງ ແຫ່ງເຮົາທັງຫຼາຍບັດນີ້ແລ. ທ້າວ ພະຍາທັງຫຼາຍຕ້ານຈາລະຈາກັນ ດັ່ງນີ້ແລ້ວ ຈຶ່ງພິຈາລະນາຍັງສະຖານທີ່ເປັນສໍາລານແຫ່ງສັບພັນຍູເຈົ້າ ສັນລັກເຂຕະວາ ແກດກົດຫມາຍຮູ້ວ່າດັ່ງນີ້ ອາລາໂມ ອັນວ່ານິໂຄທະອາລາມ ລໍາມະນີໂຍ ຄວາມສະຫນຸກ ຊົມຊື່ນຍິນດີ ພິຈາລະນາດັ່ງນີ້ແລ້ວ ກັດຕະວາ ຈືງກະທໍາຊໍາລະກວາດແຜ້ວບໍລະບວນ ໃນນິໂຄຫະ ອາລາມທີ່ນັ້ນ ຄັນທະປຸບປະຈຸນນາທິປັດຖາ ມີມືຖືເຄື່ອງບູຊາທັງຫຼາຍ ຫມາຍມີປະທູບໄຕ້ ດອກໄມ້ ກະຈວນຈັນ ຄັນທະລົດຂອງຫອມເປັນເຄົ້າ ເຂົ້າໄປຕ້ອນຮັບສັບພັນຍູເຂົ້າແລ້ວ. ປະຫິນິງສຸ
ກໍ່ໄຊ້ໄປຍັງກຸມາລະ ກຸມາລິທັງຫຼາຍ ອັນເປັນລູກຊາວເມືອງທັງຫຼາຍຝູງຍັງຫນຸ່ມຍັງ
ນ້ອຍມີຕົນອັນປະຫຼັບປະດາອາພອນແລ້ວແລໄປກ່ອນຫນ້າ ຖັດນັ້ນ ທ້າວພະຍາສາກະຍະລາດທັງຫຼາຍ
ກໍ່ຍຢາຍກັນໄປໃນຫວ່າງແຫ່ງກຸມມານທັງຫຼາຍ ຝູງນັ້ນ ປູຊາຍະມານາ ບູຊາສັບພັນຍູເຈົ້າ
ຕົນມີລັດສະໝີງາມໃສສຸດ ດຸດດັ່ງວັນຄໍາດ້ວຍເຄື່ອງບູຊາທັງຫຼາຍ ຫມາຍມີປະທູບໄຕ້
ດອກໄມ້ປະຈວນຈັນ ຄັນທະ ລົດຂອງຫອມເປັນເຄົ້າ ເຂົ້າໄປໂອກາດລາດທະນາສັບພັນຍູເຈົ້າ
ໃນນິໂຄທະອງລາມທີ່ນັ້ນ ຕະທາ ໃນກາລະຍາມນັ້ນ ທ້າວພະຍາສາກະຍະລາດທັງຫຼາຍ ທຽນຍອມມີປະກະຕິມານະກະດ້າງ ແຂງດ້ວຍຂັດຕິຍະລາດກະລຸນຫັ້ນແລ. ເຕລາສະໂນ ອັນວ່າທ້າວພະຍາຝູງປະກອບດ້ວຍຂັນຕິຍະວິເສດ ອິນເຕຕະວາ ຮົ່ມເພິ່ງວ່າດັ່ງນີ້ ອາຍັງ ສິດທັດຖະກຸມາໂລ ອັນວ່າເຈົ້າສີທາດລາດກຸມມານຕົນນີ້ ທະຫາ ລະຕະໂລຍັງຫນຸ່ມຍັງນ້ອຍກວ່າເຮົາທັງຫຼາຍ ກະນິດໂຖ ພາຄິເນີຍໂຍ ຄວນເປັນນ້ອງ ຄວນເປັນລູກນ້ອງ ຍິງ ປຸດຕະນັດຕາ ຄວນເປັນລູກເປັນຫຼານແຫ່ງເຮົາທັງຫຼາຍແລ. ຮົ່ມເພິງດັ່ງນີ້ແລ້ວ ຈື່ງກ່າວເຊິ່ງກຸມມານ ທັງຫຼາຍຝູງຫນຸ່ມນ້ອຍວ່າດັ່ງນີ້ ຕູມເຫ ອັນວ່າເຈົ້າທັງຫຼາຍ ວັນທະຖະ ກໍ່ຈົ່ງໄຫວ້ ຍັງສັບພັນຍູເຈົ້າຕົນ ເປັນຄູ ຕົນທັງຫຼາຍຈະນັ່ງຢູ່ແຕ່ກ້າຫຼັງ ຕຸມຫາກັງ ແຫ່ງທ່ານທັງຫຼາຍແລ. ເຕສຸ ໃນເມື່ອທ້າວພະຍາທັງຫຼາຍແລ ບໍ່ໄຫວຍັງສັບພັນຍູເຈົ້າ ແລນັ່ງຢູ່ຢ່າງນັ້ນ ບັ້ນສັບພັນຍູເຈົ້າ ຕົນເປັນຄູ່ແຫ່ງນິລະເທພາ ໂອໂລເກຕະວາ ຈິງຫຼິງດູອັດຊາໃສໃຈແຫ່ງທ້າວພະຍາທັງຫຼາຍ ຈິນເຕຕະວາ ຈິ່ງຮົ່ມເຊິ່ງວ່າ ຍາຕະໂຍ ອັນວ່າຍາຕິພີ່ນ້ອງທັງຫຼາຍ ນະ ວັນທັນຕິ ກໍ່ບໍ່ໄຫວ້ຍັງກູ ບັດນີ້ກູຈັກກະທໍາໃຫ້ ໄຫວ້ຍັງກູນີ້ ຈິງຄວນແທ້ດີຫຼີ ສະມາປັດຊິຕາວາ ເຈົ້າກໍ່ເຂົ້າຍັງຈະຕຸດຖະຊານ ອັນເປັນເຫດໃກ້ ອະພິນຍານອອກຈາກຈະຕຸດຖະຊານແລ້ວ ອັບພຸກຄັນຕະວາ ກໍ່ສະຫຍອງຂຶ້ນສູ່ອາກາດ ດຸດດັ່ງຢາຍຮວຍ ຜາຍລົງ ຍັງພົງເຜົ່າເທົ່າທຸລີອັນຕິດປາທາ ໃຫ້ຕົກລົງມາຮໍາຫົວເກດເກົ້າແຫ່ງທ້າວພະຍາ ຝູງເປັນຍາຕິກາ ເຈົ້າກໍ່ກະທໍາປະຕິຫານ ມີສັນຖານອັນງາມບໍລິສຸດດຸດດັ່ງກະທໍາປະຕິຫານເປັນຄູ່ລໍານ້ໍາລໍາໄຜ ເຮັ່ຍຮວຍ ໄປທົ່ວອາກາດມົນທົນ ພາຍບົນຊ່ວງໄມ້ມປວງ ອັນວ່າສວນຜູ້ຊື່ວ່າຄັນດາມັກພະຫາກຮັກສາ. ຕະທາ ໃນກາລະຍາມນັ້ນ ສຸດໂທທະນະມະຫາລາຊາ
ສ່ວນດັ່ງພະຍາສຸດໂທທະນະອັນເປັນພຸດທະ ບິດາ ທິສະວາ ເຫັນອັດສະຈັນອັນນັ້ນ ອາຫະ
ຈິ່ງກາວວາຂ້າໄຫວ້ ສັບພັນຍູເຈົ້າໃນວັນອັນເຈົ້າກູອອກມາ ນັ້ນ
ແມ່ນົມທັງຫຼາຍຈໍາໄປເພື່ອຈັກໃຫ້ໄຫວ້
ຍັງກາລະເທວິນລັດສິດັ່ງນັ້ນຕີນແຫ່ງເຈົ້າກູແລຕັ້ງຢູ່ເຫນືອ ຫົວແຫ່ງເຈົ້າລັດທິຕົນນັ້ນ
ຜູ້ຂ້າເຫັນອັດສະຈັນອັນນັ້ນ ຂ້າກໍ່ໄຫວ້ຍັງຕີນແຫ່ງເຈົ້າກູແລ ອງຍັງເມ ປະຖະມະວັນທະນາ
ອັນນີ້ເປັນອັນໄຫວ້ປະຖະມະຫົວທີ່ແຫ່ງຜູ້ຂ້າແລ.ອັບປະມັງຄະລາທິວະເສພູສາຍາ ຍະ
ສິສິລິສະຍາເນ ປະການຫນື່ງຜູ້ຂ້າໄຫວ້ສັບພັນຍູເຈົ້າ ໃນເມື່ອເຈົ້າກູຍັງນ້ອຍ
ອັນແມ່ນົມທັງຫຼາຍຫາກ ໃຫ້ນອນຢູ່ ເຫນືອເສື່ອອາດສະຫນາໃນຮົ່ມໄມ້ຊົມພູ
ໃນວັນອັນປູກເຂົ້າມັງຄະລະນັ້ນແລ. ຮົ່ມໄມ້ຊົມພູອັນ ນັ້ນກໍ່ບໍ່ກັບກາຍຍ້າຍໄປມາ
ຜູ້ຂ້າເຫັນດັ່ງນັ້ນ ຜູ້ຂ້າກໍ່ໄຫວ້ຍັງຕີນແຫ່ງເຈົ້າກູແລ ອະຍັງ ເມ ທູດຕິຍະວັນ,
ທະນາ ອັນນີ້ເປັນອັນໄຫວ້ຖ້ວນສອງທີ່ກໍ່ຂ້າແລ ອີທານິອິນັງ
ອະທິດຖະບຸບພັງ ປາຕິຫາລິຍັງ ທິສະວາ ບັດນີ້ຜູ້ຂ້າກໍ່ມາເຫັນຍັງປະຕິຫານເຈົ້າງູແລ
ອັນຜູ້ຂ້າບໍ່ເຄີຍເຫັນໃນກາລະເມື່ອກ່ອນຈັກເທື່ອ ຜູ້ຂ້າກໍ່ ໄຫວ້ຍັງຕີນແຫ່ງເຈົ້າກູແລ
ອະຍັງ ເມ ຕະຕິຍະວັນທະນາ ອັນນີ້ເປັນອັນໄຫວ້ຖ້ວນສາມທີ່ຜູ້ຂ້າແລ. ລັນ ຍາ ປະນະ
ວັນທິເຕ ເມື່ອພະຍາສີສຸດໂທທະນະມະຫາລາຊາ ໄຫວ້ຍັງສັບພັນຍູເຈົ້າແລ້ວດັ່ງນັ້ນ
ເອກະສາກິໂຍປີ ແມ່ນອັນວ່າທ້າວພະຍາສະກະລາດຕົນດຽວຫນຶ່ງກໍ່ດີ
ອັນບໍ່ໄຫວ້ຍັງສັບພັນຍູເຈົ້າ ແລອາດຈະຕັ້ງຢູ່ ກໍ່ບໍ່ມີຈັກຄົນແລ ສັບເພປີ ເຕ
ວັນທິງສຸເຍວະ ທ້າວພະຍາສາກະຍະລາດທັງຫຼາຍກໍ່ໄຫວ້ຍັງສັບພັນຍູເຈົ້າ
ແລ້ວແລຕັ້ງຢູ່ທຸກຄົນນັ້ນແລ. ອິຕິ ພະຄະວາ ຍາຕະໂຢ ວັນທາເປຕະວາ ສັບພັນຍູເຈົ້າໃຫ້ຍາຕິກາວົງສາໄຫວ້ຍັງຕົນດ້ວຍ ປະການນີ້ແລ້ວ ຈຶ່ງລົງມາຈາກອາກາດ ມານັ່ງຢູ່ເຫນືອພຸດທະສາດສະຫນາ ອັນທ້າວພະຍາຫາກແປງປູໄວ້ ແລປະເສີດຍິ່ງຫນັກຫນາ ນິສິນເນ ຂະ ປະນະ ພະຄະວະຕິ ໃນເມື່ອສັບພັນຍູເຈົ້າແລສະຖິດສໍາລານຢູ່ດ້ວຍ ປະການດັ່ງນັ້ນບັ້ນກິຍາອັນມາປະສົບພົບກັນດ້ວຍຍາຕິກາວົງສາ ກໍ່ເຖິງເຊິ່ງອັນບໍລະບວນໃນກາລະຍາມ ນັ້ນແລ ສັບເພ ເອກັກຄະຈິດຕາທ້າວພະຍາສັກກະຍະລາດທັງມວນ ກໍ່ມີຈິດໃຈຕັ້ງຢູ່ດ້ວຍດີ ບໍ່ມີຄ່າ ກັງວົນສັງກໍ່ຫນັງຢູ່ທຸກຄົນຫັ້ນແລ. ຕະໂຕ ມະຫາເມໂຄ ຖັດນັ້ນອັນວ່າມະຫາເມກເປັນຫ່າຝົນໃຫຍ່ກໍ່ຂຶ້ນສູ່ເວຫາ ເປັນ ໂບກຂະລະພັດກໍ່ກະຂັກຕົກລົງມາເປັນຕາມລະວັນ ມີວັນນະອັນແດງ ກະທໍາຍັງສຽງດັງຮ້ອງກ້ອງອາກາດ ແລ້ວແລໄຫຼລົງໄປສູ່ປະຖະພນີ ເຍ ເຕມິຕຸກະມາວະ ເຕ ເຕເມນະຕິ ຄົນທັງຫຼາຍຝູງໃດມັດໃຄຊຸມໃຄອຶ່ນ ກໍ່ຈິ່ງຊຸມຈິງອຶນ ບຸກຄະລະຜູ້ໃດບໍ່ມັກໃຄ່ຊຸມໃຄ່ອື່ນເອກະພິນທຸມັດຕໍ່ປີ ແມ່ນມາຕາວາຕ່ອມນ້ໍາດຽວຫນື່ງກໍ່ບໍ່ຕິດບໍ່ຄ້າງ ຢູ່ໃນເນື້ອຕົ້ນແຫ່ງຄົນທັງຫຼາຍຝູງນັ້ນແລ ສັບເພ ລາຊາໂນ ທ້າວພະຍາຊາວສະກະຍະ ລາດທັງຫຼາຍ ເຫັນຫ່າຝົນເຫຼົ່ານັ້ນກໍ່ເກີດຄໍາງຶດງໍ້ວ່າບໍ່ຮ່ອນມີເມື່ອກ່ອນແທ້ດີຫຼີແລ. ພິກຂຸ ທໍາມະສະພາຍັງ ຖັດນັ້ນ ເຈົ້າພິກຂຸທັງຫຼາຍກໍ່ຍັງເກີດຄໍາຈາ ໃນທໍາມະສະພາຄະສາລາວ່າ ດູລາເຂົ້າທັງຫຼາຍ ອີທັງ ຄາລະນັງ ອັນວ່າເຫດອັນຫ່າຝົນ ໂບກຂາລະພັດອັນກະຈັດຕົກລົງມານີ້ ຕັ້ງຄວນ ອັດສະຈັນອັນນີ້ ບໍ່ຮ່ອນເກີດມີໃນກາລະເມືອກ່ອນຈັກເທື່ອ ແທ້ດີຫຼີແລ. ເອວະລູປັງ ໂປກຂາລະວັດສັງຫ່າຝົນໂບກຂາລະພັດອັນກະຈັດຕົກລົງມານີ້ ມີສະພາວະປານດັ່ງນີ້ ມີໃນທີ່ຊຸມນຸມແຫ່ງຍາຕິກາວົງສາ ແຫ່ງສັບພັນຍູເຈົ້າ ດ້ວຍອະນຸພາບແຫ່ງສັບພັນຍູເຈົ້າ ດັ່ງຄວນອັດສະຈັນແທ້ດີຫຼີແລນາ. ຕັງ
ສຸຕະວາ ສັດຖາ ອັນວາສັບພັນຍູຕົນເປັນຄູ ສະຖິດນັ່ງຢຢູ່ໃນພະຄັນ ທະກຸດີ ສຸຕະວາ ໄດ້ຍິນ ຍັງຄໍາຈາ ດ້ວຍທະບພະໂສຕະວິນຍານ ອາຄັນຕະວາ ກໍ່ສະເດັດລົງມາເຫນືອທໍາມາດ ດູອົງອາດດ້ວຍພຸດ ທະລີລາ ປຸຈະຊິຕະວາ ຈິງຖາມວ່າ ພິກຂະເວ ດູລາພິກຂຸທັງຫຼາຍ ມານັ່ງຊຸມນຸມໃນກາລະບັດນີ້ ດ້ວຍ ຖ້ອຍຄໍາເຍືອງໃດຈາ ອິມາຍະ ມານາຕິ ວຸດເຕ ຖັດນັ້ນປັ້ນເຈົ້າພິກຂຸສົນອົງອາດລະລາດດ້ວຍພຸດທະ ໂວຫານ ກໍ່ຂານຄໍາຮັບ ສັບພັນຍູເຈົ້າວ່າ ພັນເຕ ຂ້າໄຫວ້ສັບພັນຍູເຈົ້າ ອັນວ່າຝູງຂ້າທັງຫຼາຍມາຊຸມນຸມ ກັນ ອັນຈາເຖິງຫ່າຝົນ ໂບກຂະລະພັດ ອັນກະຈັດຕົກລົງມາດ້ວຍອະນຸພາບ ແຫ່ງສັບພັນຍູເຈົ້າກໍ່ຂ້າແລ. ວັດຕະວາ ພະພຸດທະເຈົ້າກ່າວວ່າ ດູລາພິກຂຸທັງຫຼາຍ ມະຫາເມໂຄອັນວ່າເມກມັນໃຫຍ່ຕົກລົງມາເປັນຫົງ ຝົນໂບກຂາລະພັດ ກະຈັດຕົກລົງມາ ໃນທີ່ຊຸມນຸນຍາຕິກາວົງສາແຫ່ງ ຣະຕະຖາຄະຕະ ບໍ່ຈັກມີໃນກາລາບັດນີ້ສິ່ງດຽວກໍ່ບໍ່ມີແລ. ປຸບເພປິ ແມ່ນໃນກາລະໄວ້ບໍ່ເທສະຫນາໄປແລ ເຕຫິ ຍາຈິໂຈ ຖັດນັ້ນເຈົ້າພິກຂຸ ຕົນອົງອາດຈິງຂອໂອກາດລາດທະນາ ອາຫະລິ ສັບພັນຍູເຈົ້າຈິ່ງນໍາເອົາມາ ອະຕິຕັງ ຍັງມະຫາເວດສັນຕະ ລະຊາດົກ ອັນລ່ວງແລ້ວມາເທດສະຫນາວ່າ ອະຕີຕະນີທານມະຫາເວດສັນຕະລະຊາດົກ ອະຕີເຕ ພິກກະວ ສິວິລັດ ເຊຕຸດວະລະນະຄະເລ ສີວິມະຫາລະຊາ ນາມະລັດຊັງ ກາເລຊິ ລຸລາ ພິກຂຸທັງຫລາຍ ໃນກາຮລະເມືອລວງແລ້ວໄປພຸ້ນ ຍັງມີພະຍາຕົນຫນື່ງຊື່ວາ ສິວິມະຫາລາດ ລັດຊັງ ກາເລຊິ ກໍ່ໃດ້ສັງເວີຍ ລາຊະຊິສົມວັດ ເປັນເຈົ້າກະສັດ ໃນເມືອງເຊຕຸດຕະລະລາດຊະທານີອັນມີໃນ ເຂດຊົງກົງເມືອງສີວິລາດປະຕິລະມິ ກໍ່ໄດ້ຍັງລູກຊາຍຜູ້ຫນື່ງ ຊື່ວ່າທ້າວສົມໄຊລາສະກຸມມາ ອາເນຕະວາ ພະຍາກໍໃຫ້ໄປໂອມເອົາມາຍັງລູກສາວພະຍາມັດທະລາດ ຊື່ວ່ານາງຜຸດສະດີສີສຸພັນນະກັນລະຍາ ມາໃຫ້ ແກ່ທ້າວສົມໃຊ ອັນເຖີງເຊີງໄວໃຫ່ຍຂື້ນມາ ນິຍະຍາເທຕະວາ ມອບເວນເຄນໃຫ້ຍັງລາຊະສົມບັດໃຫ້ ແກທ້າວສົນໄຊລາຊະກຸມມານແລ້ວແລມຸດທາພິເສກຍັງນາງສີສຸພັນກັນລະຍາ ຜູ້ຊື່ວ່າສຸດສະດີ ໃຫ້ເປັນ ລາຊະເທວີນັ້ນແລ. ຕັດສາປີ ອະຍັງ ປຸບພະປະໂຍໂຄ ດ້ວຍແທ້ບຸນສົມພັນແຫ່ງນາງກັນລະຍາ ຜູ້ມີພະຍາເພິ່ງຮູ້ດັ່ງນີ້ ອິໂຕ ຫິ ເອປະນະວຸດັບປາວະສາເນ ໃນເມື່ອແລ້ວແຫ່ງ 91 ກັບ ນັບແຕ່ພັດທະ ກັບອັນນີ້ຖອຍເທືນເມືອ ຫຼັງ ຍັງມີພະພຸດທະເຈົ້າອົງຫນຶ່ງ ຊື່ວ່າວິປັດສິ ອຸທະປາທິ ກໍ່ເກີດມາໃນໂລກນີ້ ໂອເອ ລາຊາ ຍັງມີພະຍາ ຕົນຫນື່ງຊື່ວ່າ ພັນທຸມະຕິລາດ ສະເຫວີຍລາຊະສົມບັດອັນເປັນອາດ ໃນເມືອງພັນທຸມະຕິນະຄອນແຫ່ງ ນັ້ນ ສັດຖາ ອັນວ່າສັບພັນຍູເຈົ້າ ຕົນຊື່ວ່າວິປັດສິ ກໍ່ອາໃສເຊິ່ງເມືອງພັນທຸມະຕິນະຄອນ ເປັນທີ່ໂຄຈອນ ບິນດິບາດແລ້ວແລຢູ່ສໍາລານ ໃນປ່າອິສິປະຕະນະມິຄະທາຍະວັນອັນປະເສີດ ໃນກາລະຍາມນັ້ນ ເອໂກ ລາຊາ ຍັງມີພະຍາຕົນຫນຶ່ງຊື່ວ່າສະມັນຕພລາດ ເປເສສິ ກໍ່ໃຫ້ນໍາມາຍັງດອກໄມ້ຄໍາ ອັນຄວນຄ່າໄດ້ແສນ ຄໍາ ກັບທັງແກນຈັນແດງ ຄວນຄ່າແພງມີມາກມາເປັນບັນນາການແກ່ພະຍາພັນທຸມະຕິລາຊະແລ ລັນໂຍ ປະນະ ທະວ ທີ່ຕະໂລ ອະເຫສຸງ ດ້ວທີ່ແທ້ ລູກສາວພະຍາພັນທຸມະຕິລາຊະມີສອງຄົນ ໂສ ລາຊາ ອັນວ່າພະຍາຕົນນັ້ນ ທາກາໂມ ມັກເພື່ອຈະໃຫ້ຍັງ ບັນນາການອັນນັ້ນແກ່ສອງກະສັດຂັດຕະ ຍະທິຕາ ອະທາສິ ກໍ່ໃຫ້ແກ່ນຈັນແດງແພງຄ່າມາກ ແກ່ລາຊະທິດາ ເຊຕະຖະກາ ຕົນເປັນນ້ອງ ຕາ ອຸໂປ ສ່ວນດັ່ງສອງກະສັດຕີມີພະລາຊະຈິນດຈາກັນວ່າ ເຄື່ອງບັນນາການ ອັນພໍ່ເປັນເຈົ້າຫາກໃຫ້ເປັນທ່ານນີ້ ເຮົາບໍ່ຄວນເອົາມາປະດັບປະດາໃນເນື້ອຕົນ ແຫ່ງລາທັງສອງແລ ເຮົາຄວນເອົາໄປບູຊາພະພຸດທະເຈົ້າເທົ່າ ວັນເອີ້ນ. ນາງທັງສອງມີລາຊະຈິນດາຈາກັນດັ່ງນັ້ນແລ້ວ ຈຶ່ງຖວາຍເຫດອັນນັ້ນແກ່ພະກະສັດຕົນພໍ່ວ່າ ຕາຕະ ຂ້າໄຫວ້ພະປິຕາເປັນເຈົ້າ ມະຍັງ ອັນວ່າເຜືອຂ້ານ້ອຍທັງສອງ ຈັກໄປບູຊາພະພຸດທະເຈົ້າ ຕົນຊົງ ທັດມົນຍານ 10 ປະການ ດ້ວຍແກ່ນຈັນແດງແລະດອກໄມ້ຄໍາອັນນີ້ ກໍ່ຂ້າແລ ມະຫາລາຊະເຈົ້າ ຈົ່ງໃຫ້ອະນຸຍາດແກ່ເຜືອຂ້ານ້ອຍທັງສອງເທົ້າວັນເທີນ. ຄັນວ່ານາງທັງສອງກ່າວດັ່ງນັ້ນ ບັ້ນພະກະສັດຕາຕົນພໍ່ ໄດ້ຍິນແລ້ວຍັງຄໍາສອງສະເຫນ່ຫາລູກແກ້ວ ແລ້ວກໍ່ຮັບເອົາດ້ວຍຄໍາວ່າ ສາທຸ ດີ ດີ ກໍ່ພໍ່ແລ. ເຊຕະຖະກາ ອັນວ່າພະລາຊາທິດາຕົນພີ່ ກາເລຕະວາ ໃຫ້ຂ້າປະລິຈາກແຫ່ງຕົນ ມາຝົນຍັງແກ່ນ ຈັນແດງ ແປງໃຫ້ເປັນກະຈວນອັນອ່ອນສຸຂຸມານ ແລ້ວແລະພໍ່ເພັງໃສໃນກະອູບຄໍາໃຫ້ຂ້າຍິງຈໍານໍາຖື. ກະນິກຖະພະຄີນີ ລາຊະທິຕາຕົ້ນ້ອງນັ້ນ ກະເລຕະວາ ໃຫ້ຊ່າງຄໍາຜູ້ສະຫຼາດ ມາແງຍັງດອກໄມ້ຄໍາອັນນັ້ນ ໃຫ້ເປັນເຄື່ອງສັງວານປະດັບອົກແລ້ວແລະໃສໃນກກະອູບຄໍາໃຫ້ຂ້າຍິງຈໍານໍາຖື. ນາງກະສັດທັງສອງ ກໍ່ ເຂົ້າໄປສູ່ປ່າອິສິປະຕະນະມິຄະທາຍະວັນ ອັນເປັນທີ່ສໍາລານແຫ່ງສັບພັນຍູເຈົ້າ. -ນາງທັງສອງນັ້ນ ເຊຕະ ຖະກາ ອັນວ່າຜູ້ເປັນພີກໍ່ນໍາເອັງກະຈວນຈັນຂັນທະລົດ ອັນບົດແຫຼກຍິ່ງຫນັກຫນາ ຖວາຍບູຊາອົງສັບພັນຍູ ເຈົ້າ ອັນມີວັນນະອັນງາມໃສສຸດ ດຸດດັ່ງວັນຄໍາເຫນືອກວ່ານັ້ນ ນາງກໍ່ໂຮຍຮວຍຜາຍໃສໃນພະຄັນທະກຸດີ ສີສະຖານແລ້ວ ນາງແກ້ວກໍ່ໄດ້ຕັ້ງຄໍາປານີທານຄໍາປາດຖະຫນາວ່າ ພັນເຕ ຂ້າໄຫວ້ສັບພັນຍູເຈົ້າ ອະຫັງ ອັນວ່າຜູ້ຂ້າ ມາຕາປະເວຍະຍັງ ຂໍໃຫ້ໄດ້ເປັນແມ່ພະເຈົ້າອົງຫນຶ່ງ ເຫັນມາປານດັ່ງສັບພັນຍູເຈົ້ານີ້ກໍ່ຂ້າເທີ້ນ ວ່າດັ່ງນີ້ແລ້ວ ນາງຈິ່ງກ່າວຄາຖາວ່າ ເອສາ ຈັນທະນະຈູນເນນະ ປູຊາ ຕຸມເຫສຸ ເມ ກະຕາ ດັ່ງນີ້ເປັນເຄົ້າ ຂ້າໄຫວ້ສັບພັນຍູເຈົ້າດ້ວຍພະຫຼາອານິສົງສະ ອັນວ່າຜູ້ຂ້າໄດ້ເອົາຍັງກະຈວນຈັນຜົງ ຖວາຍບູຊາພະອົງ ສັບພັນຍູເຈົ້ານີ້ ຂໍໃຫ້ຜູ້ຂ້າໄດ້ເປັນແມ່ພະເຈົ້າອົງຫນຶ່ງ ເຫັນມາປານດັ່ງເຈົ້າກູນີ້ ໃນກາລະອັນຈັກມາພາຍ ຫນ້າພຸ້ນເທີ້ນ. ການິດຖາ ສ່ວນດັ່ງທິດານົນນ້ອງນັ້ນ ກໍ່ຖວາຍອຸລັດຈະສຸວັນນະມາລາບູຊາ ສັບພັນຍູເຈົ້າ ອັນມີວັນນະອັນງາມໃສສຸດ ດຸດດັ່ງຄໍາແລ້ວປາດຖະຫນາວ່າ ຂ້າໄຫວ້ສັບພັນຍູເຈົ້າຕາບໃດຜູ້ຂ້າໄປບໍ່ເຖິງ ອະລະຫັນຕະພະລະຍານ ເຄືອງສັງວານຢ່າໄດ້ຄາດຈາກເນື້ອຕົນ ແຫ່ງຜູ້ຂ້າກໍ່ຂ້າເທີ້ນ ວ່າດັ່ງນີ້ແລ້ວຈື່ງໄດ້ ກ່າວຄາຖາວ່າ. ພັນເຕ ສຸວັນນະມາລາຍະ ມະຍາ ຕະວັງ ປຸຊິໂຕ ອະສິ ດັ່ງນີ້ເປັນເຄົ້າ ຂ້າໄຫວ້ສັບພັນຍູເຈົ້າ ຜູ້ຂ້າ ໄດ້ເອົາດອກໄມ້ຄໍາອັນງາມ ປະສົງມາບູຊາອົງສັບພັນຍູເຈົ້າ ດ້ວຍຜະລະບຸນອັນນີ້ ຂໍໃຫ້ດອກໄມ້ຄໍາມີລໍາ ນ້ໍາອັນປະເສີດ ຈົ່ງເກີດມີແກ່ຜູ້ຂ້າທຸກຊາດກໍ່ຂ້າເທີ້ນ. ສັດຖາ ອັນວ່າສັບພັນຍູເຈົ້າຕົນຊື່ວ່າວິປັດສີ ກໍ່ອະນຸໂມທະນາແກ່ສອງກະສັດຕາພີ່ນ້ອງວ່າ ຍາ ເຈຕະຖາ ທະວີຫິ ຕູມເຫຫິ ປູຊາ ໄມຫັງ ປະຕິດຖິຕາ ດູລາລາຊະທີຕາທັງສອງ ເຄືອງສັກກະລະບູຊາ ອັນ ສອງສາວກະສັດ ປະຕິດຖິຕາ ຫາກໍ່ມາຕັ້ງໄວ້ບູຊາແກ່ເຣົາ ຕະຖາຄະຕະໃນສະຖານທີ່ນີ້ ນາງທັງສອງມີ ຄວາມປາດຖະຫນາດ້ວຍປະການສັນໃດ ກໍ່ຈົ່ງໃຫ້ສໍາສໍາເລັດບໍລະບວນແກ່ນາງທັງສອງ ດ້ວຍຜະຫຼາອະນິ ສົງ ອັນມາບູຊາພະ ຕະຖາຄະຕະນີ້ດ້ວຍປະການສັນນັ້ນເທີນ. ຕາ ອຸໂພປີ ສ່ວນດັ່ງລາຊະທິດາທັງສອງນັ້ນ ກໍ່ຕັ້ງຢູ່ແດນອາຍຸແຫ່ງຕົນແລ້ວ ກໍ່ຈຸຕິຈາກຊາຕິອັນ ເປັນຄົນກໍ່ໄດ້ເອົາຕົນເມື່ອເກີດໃນສະຫວັນເທວະໂລກແລ. ຕສຸ ລໍ້ສາວະກະສັດທັງສອງນັ້ນ ເຊຕະຖາວັນວ່າລາຊະທິດາຜູ້ພີນັ້ນ ຕາຍຈາກເມືອງຟ້າ ກໍ່ໄດ້ມາເກີດເມືອງຄົນ ຕາຍຈາກເມືອງຄົນກໍ່ເອົາຕົນເມືອ ເກີດເມືອງຟ້າ ນາງກໍ່ທົ່ວລະວັດພັດໄປມາ ແຕ່ພະເຈົ້າວິປັດສິນັ້ນມາໄດ້ 91 ກັບ ໃນພັດທະກັບອັນນີ້ ຈຶ່ງ ໄດ້ເປັນແມຕະຖາຄະຕະ ຊື່ວ່າສີລິມະຫາມາຍາໃນກາລະບັດນີ້ແລ. ກະນິດຖະພະຄີນີ ສ່ວນລາຊະທິດາຕົນ ນ້ອງນັ້ນ ກໍ່ທົ່ວລະວັດພັດໄປມາດ້ວຍປະການສັນດຽວນັ້ນແລ ເມື່ອພະເຈົ້າກັດສະປະທັດສະຝົນຕົນ ປະເສີດ ເກີດມາໃນໂລກນີ້ນາງກໍ່ໄດ້ເກີດເປັນລູກສາວພະຍາກິງກິດສະລາຊະໄດ້ຊື່ວ່າ ອຸລັດສະລາຊະທິດາ ເຫດວ່ານາງເກິດມາມີອົກອັນປະດັບອຸດຣັດສະທາມາລາ ເຫມືອນດັ່ງຊ້າງແຕ້ມຫາກມາຣິດຈະນາ ຂິດ ຂຽນໄວ້ຈິງໄດ້ຊື່ວ່າອຸຣັດຈະສະທາ ວະຍັບ ປັດຕາ ນາງຂື້ນໃຫຍ່ມາໃດ້ 16 ປີ ໄດ້ຟັງຣົດສະທໍາມະເທດ ສະຫນາປັດຕານຸໂມທະນາ ແຫ່ງສັບພັນຍູເຈົ້ານາງກໍ່ໄດ້ຕັ້ງຢູ່ໃນໂສດາປັດຕິຜະລະຍານ ອະປະຣະພາເຄ ໃນ ກາລະພາຍຫນ້າ ແຕ່ນັ້ນ ສຸຕະວາ ນາງກໍ່ໄດ້ຟັງຍັງທໍາມະເທສະຫນາ ກັບດອມພະວໍຣະປີຕາຕົນພໍ່ ນາງກໍ່ໄດ້ ເຖິງອະຣະຫັດຕະຜະລະຍານ ໃນວັນພະຍາຕົນພໍ່ໄດ້ເຖີງໂສດາ ບັບພະຊິຕະວາ ນາງອອກບວດແລ້ວ ກໍ່ນິຣະພານໄປຫັ້ນແລ. ກິງກິດສະລາຊາ ສັດຕະ ທິຕະໂຣ ລະຊິ ອັນວ່າພະຍາກິງກິດສະຣາດ ກໍ່ໄດ້ຍັງຣາດທິຕາສຶບເຊື້ອ ວົງສາປະມານວ່າໄດ້ເຈັດຄົນ ຈິ່ງປະສົງປົງນາມແຫ່ງຣາຊະທິຕາ ຜູ້ມີພະຍາເບີ່ງຮູ້ດັ່ງນີ້. ສະມະນີ ສະມະນະໂຄຕະຕາ ຜູ້ຫນື່ງຊື່ວ່າ ສະມະນີ, ຜູ້ຫນື່ງຊື່ວ່າ ສະມະນະໂຄຕະຕາ, ຜູ້ຫນື່ງຊື່ວ່າ ພິກຂຸນີ, ຜູ້ຫນື່ງຊື່ວ່າ ພິກຂຸທາສິກາ, ຜູ້ຫນື່ງຊື່ວ່າ ທໍາມາ, ຜູ້ຫນື່ງຊື່ວ່າ ສັງຄະທທາສິກາ ສັດຕະມາ ເປັນຜູ້ ຖ້ວນເຈັດແລ. ຕາ ອິມິດສະຫມິງ ພຸດທະບຸບປາເທ ຣາຊະທິຕາທັງ 7
ຄົນນັ້ນ ເກິດມາຮ່ວມພຸດທະຫຸບາທະສາ ສະຫນາພະພຸດທະເຈົ້າໂຄດົມບຸຣົມສັດຕະຖາ ປະກົດດ້ວຍນາມະກ່ອນ ຜູ້ຫນື່ງຊື່ວ່າ ເຂມາ, ຜູ້ຫນື່ງຊື່ວ່າ ອຸປະລະວັນນາ, ຜູ້ຫນື່ງຊື່ວ່າ ປະຕາຈາຣາ, ຜູ້ຫນື່ງຊື່ວ່າ ໂຄດຕະມີ, ຜູ້ຫນື່ງຊື່ວ່າ ທໍາມະທິນນາ, ຜູ້ຫນື່ງຊື່ວ່າ ມະຫາມາຍາ, ຜູ້ຫນື່ງຊື່ວ່າ ວິສາຂາ ສັດຕະມາ ເປັນຜູ້ຖ້ວນເຈັດແລ. (ນາງຜຸດສະດີໄດ້ເປັນມະເຫສີພະຍາອິນ) ຕາສຸ ລໍ້ສາວກະສັດຂັດຕິຍະທິຕາທັງ 7 ຄົນນັ້ນ ສ່ວນດັ່ງນາງສຸທໍາມາຣາຊະທິດາໄດ້ສ້າງ ສົມພານ ມີຕົ້ນວ່າ ໃຫ້ທານຮັກສາສິນບໍ່ຂາດທຸກຊາດພໍ່າເພັງມາ ຜຸດສະຕີ ນາມະ ກຸມາຣິກາ ລາດໄດ້ ຊື່ວ່າ ຜຸດສະດີຣາຊະກຸມາຣີ ເຫດນາງເກີດມາມີເນື້ອຕົນອັນງາມ ເຫມືອນດັ່ງໂຮຮວຍຜາຍໃສ່ດ້ວຍ ກະຈວນຈັນແດງ ແພງຄໍາມາກຍິ່ງນັກຫນາດ້ວຍຜະລະອະນິສົງ ອັນນາງໄດ້ເອົາກະຈວນຈັນຜົງຖວາຍບູຊາອົງສັບພະພັນຍູເຈົ້າຕົນຊື່ວ່າ ວິປັດສີ ສັງສາຣັນຕີ ນາງກໍ່ທົ່ວລະໄວໄປມາໃນເມືອງຄົນແລ້ວ ເອົາຕົນເມືອ ເກິດໃນເມືອງຟ້າ ພາຍຫນ້າແຕ່ນັ້ນ ຈິ່ງໄດ້ເກິດເປັນວໍຣະມະເຫສີເທວີ ແຫ່ງພະສຸຣິນທາທິຣາດ ຕົນເປັນ ອາຈະໃນຊັ້ນຟ້າສວງສະຫວັນ. ອະຖັດສາ ຍາວະຕາ ເມື່ອຣາຊະຜຸດສະດີ ສະເຫວີຍລາຊະສົມບັດຖັດແດນອາຍຸສັງຂານ ໃນເມື່ອບຸນພະນິມິດ 5 ປະການ ມີເສໂທໂມຈະນາເປັນເຄົ້າ ອຸປະປັນເນສຸ ແລ້ວເກີດມີເປັນ ປະຈັກ ສັກໂກ ອິນທາທິລາຊະຕົນວິເສດຮູ້ແຈ້ງເຫດ ອັນນາງສີສຸພັນທະກັນລະຍາ ຈັກຄາດຄາຈາກ ເມືອງສະຫວັນ ອາທາຍະ ພະຍາອິນ ກໍ່ຖືເອົງຍັງນາງກັນຍົດປະລິວານເປັນອັນມາກ ໄປສູ່ສວນນັນທະອຸ ກະທະຍານຢູ່ສໍາລານເຫນືອເສື່ອສາດອາດສະຫນາ ອັນປະດັບປະດາດີ ນິສີທິຕະວາ ພະຍາອິນກໍ່ນັ່ງຢູ່ຝ່າຍ ຂ້າງທີ່ນອນກໍ້າຂວາ ອາຫະ ກໍ່ຈິ່ງກ່າວເຊິ່ງນາງວ່າ ພັດເທ ດູລາເຈົ້າສີສຸພັນນະກັນລະຍາ ທະທານີ ເຮົາພີ ຈັກໃຫ້ພອນທິບ 10 ປະການແກ່ເຈົ້າແລ. ເຈົ້າຈົ່ງຖືເອົາພອນຍັງພອນທິບ 10 ປະການກໍ່ພີເທີ້ນ. ວ່າ ດັ່ງນີ້ແລ້ວ ຈິ່ງກ່າວຄາຖາອັນເປັນປະຖົມມະຫົວທີ ອັນມີໃນມະຫາເຫວດສັນຕະລະຊາດົກ ອັນປະດັບ ປະດາໄປດ້ວຍຄາຖາພັນຫນື່ງວ່າ. ຜຸດສະດີ ວະລະວັນນາເພ ວະລັດສຸ ທະສະທາ ວະເລ ປະຖະພະຍາ ຈາລຸປຸບພັງຄີ ຍັງ ຕຸຍຫັງມະນະໂສ
ປີຍັງ
ດັ່ງນີ້ ດູລາເຈົ້າບຸດສະດີ ອັນມີລັດສະຫມີສີວັນ
ພັນນະເນື້ອຕົນງາມໃສສຸດ ຈາລຸປຸບພັງຄີ ມີອິດຖີ ວໍລະລັກອັກຄະກັນລະຍາ ຮູບກາຍຜ່າຍຜ່ອງ
ຮີ້ວຄ້ອມກ່ອງຄໍກົມ ນົມຖົມຕັ້ງສົມຜາງ ຄີງບາງແລະແອວກົວ ນິ້ວນ້ອຍສ້ວຍສິ່ງລໍາງາມ ຍັງ
ວະລັງ ອັນວ່າພະພອນແກ້ວ ອັນຈັກໃຫ້ແລ້ວດັ່ງຄໍາປາດຖະຫນາອັນໃດ
ແລຈັກຕະເລີນໃຫ້ແກ່ເຈົ້າ ອັນມີໃນມະນຸດສະໂລກເມືອງຄົນພາຍລຸ່ມພຸ້ນ
ເຈົ້າຈົ່ງຖືເອົາສິດທິພະພອນ ອັນນັ້ນກໍ່ມີເທີ້ນ. ເມື່ອອິນທາທິລາຊະກ່າວດັ່ງນັ້ນ
ັ້ນມະຫາເວດສັນຕະລະທໍາມະເທດສະຫນາ ປະຕິດຖາ ປິຕາ ໄດ້ຊື່ວ່າສັບພັນຍູເຈົ້າ
ຕັ້ງໄວ້ໃນສະຫວັນເທວະໂລກແລ.
ສາ ອັດຕະໂນ ຈະວະນະທໍາາມະຕັງ ອະຊານັ້ນຕີ
ສ່ວນດັ່ງນາງຜຸດສະດີສີສຸພັນນະກັນລະຍາ ບໍ່ຮູ້ວ່າ ຕົ້ນຈັກໄດ້ຄາດຈາກເມືອງສະຫວັນ
ລວດປະຫມາດຍິງຈິ່ງກ່າວຄາຖາອັນຖ້ວນສອງ ຈາກັບດອມເທວະ ລາຊະວ່າ. ເທວະລາຊະ ນະໂມ ຕະຍັດຖຸ ກິງ ປາປັງ
ປະກະຕັງມະຍາ ລໍາມາ ຈາເວສິ ມັງ ຖານາ ວາໂຕວະ
ທະລະນີລຸຫັງ ດັ່ງນີ້ເປັນເຄົ້າ ຂ້າໄຫວເທວະລາດເຈົ້າ ກິ ຍາອັນນ້ອມນະມັດສະການ ແຫ່ງຜູ້ຂ້າກໍ່ຈົ່ງມີແກ່ ສົມເດັດພະມະຫາລາຊະຈົ້າ ສ່ວນດັ່ງຜູ້ຂ້ານີ້ ມີຄໍາວ່າບົວລະບັດບໍ່ຊອບ ບໍ່ປະກອບພະຫຼືລະໄທຍິ່ງ ສິ່ງ ສັນໃດ ມະຫາລາຊະເຈົ້າຈິ່ງມາກໍາຈັກຂ້ານ້ອຍຫນີຈາກ ທີ່ອັນອຸດົມຄວນພິລົມຊົມຊື່ນຍິນດີມາກ ດຸດດັ່ງ ລົມກັບປະວິນາດອັນມາຟາດ ຍັງຕົ້ນໄມ້ອັນລະງອກອອກມາ ແຕ່ຝືນທໍລະນີໃຫ້ເປັນຜົງທຸລີລົ້ມທ່າວຕ່າວ ໄປມາກໍ່ຂ້າຈາ. ສັກໂກ ອິນທາທິລາດຮູ້ວ່ານາງປະຫມາດຫຍິ່ງຈິ່ງກ່າວຄາຖາວ່າ ນະ ເຈວະ ເຕ ກະຕັງ ປາປັງ ນະ ຈະ ເມ ຕະວະນະສິ ອັບປີຍະ ດັ່ງນີ້ເປັນເຄົ້າ ດູລາເຈົ້າຜຸດສະດີເມຍຮັກມີເຈົ້າຈັກໄດ້ກະທໍາຜິດ ທຸດຈະຫຼິດ ບໍ່ຊອບແກ່ພະຫຶລະໄທແຫ່ງເຮົາພີກໍ່ບໍ່ມີສັງສັກສິ່ງ ແລະຈັກເປັນທີ່ປຸງແກ່ທີ່ເຮົາກໍ່ບໍ່ມີ ກໍ່ຍັງເປັນທີ່ຮັກລໍ້າ ເລີດ ຜີບໍ່ໄດ້ເປີດເຈົ້າຈັກຍາມ ທໍ່ວ່າ ບຸນສົມພານເຈົ້າຫາກຫມົດທໍ່ນີ້ແລ້ວ ເຈົ້າຈັກໄດ້ພັດພາກມີໄປໄກ ບັດນີ້ເຈົ້າຈົ່ງຖືເອົາຍັງພະພອນແກ້ວ ອັນນີ້ໃຫ້ແລ້ວດັ່ງຄໍາປາດຖະຫນາຂອງພີເທີ້ນ. (ນາງຜຸດສະດີຂໍພອນ
10 ປະການ) ສາ ສັກກັດສະ ວະຈະນັງ ສຸຕະວາ ເມື່ອນັ້ນ ບັ້ນສີສຸພັນນະກັນລະຍາ ໄດ້ຍິນຍັງຄໍາອິນທາທິລາດ ຈື່ງຮູ້ວ່າຕົນຈັກຄາດຈາກເມືອງສະຫວັນ ເປັນອັນແຈ້ງດີຫຼີ ຄັນເຫັນດີ ອັນຈັກຖືເອົາຍັງພະພອນແກ້ວອັນ ໃຫ້ແລ້ວດັ່ງຄໍາມັກຄໍາປາດຖະຫນາ ຈິ່ງກ່າວຄາຖາວ່າ ວະລັນເຈ ເມ ອະໂທ ສັກກະ ສັບພະພູຕາ ນະມິດ ສະລະ ດັ່ງນີ້ເປັນເຄົ້າ ຂ້າແດສົມເດັດອິນທາທິລາດເຈົ້າ ຕົນເປັນເຫງົ້າແຫ່ງສວງສະຫວັນ ຜິວ່າອົງສົມເດັດ ມະຫາລາດເຈົ້າ ແລະຈັກຍັງໃຫ້ພອນທິບ 10 ປະການ ເປັນທານແກ່ຜູ້ຂ້າດັ່ງນັ້ ອະຫັງ ອັນວ່າຜູ້ຂ້າກໍ່ຈັກ ຮັບເອົາບັດນີ້ແລ ຄັນວ່າຜູ້ຂ້າຄາດຈາກມະຫາລາດເຈົ້າທີ່ນີ້ແລ້ວ: 1. ຂໍໃຫ້ຜູ້ຂ້າໄດ້ເກີດເປັນອັກຄະມະເຫສີລາຊະເທວີລະເຫວີຍສີສົມບັດ ໃນບັງຄັບຜາສາດ ແຫ່ງ ພະຍາສີວິລາດແລະຜາສາດອັນນັ້ນ ຂໍໃຫ້ມີນົກຍູງ ຍາງ ກາງແອ່ນແລ່ນລົງ ຫົງຂຽນຄືນເຄົ້າ ແຂກເຕົ້າ ແລະສານກາພ້ອມກັນມາຟ້ອນລ່າຍ ຢາຍກັນຮ້ອງຖ້ອງຂານຂັນເຊິ່ງກັນໄປມາ ແລະປະກອບໄປດ້ວຍນາງຂັບແລະນາງຟ້ອນຢ້ອນດາບແກວ່ງລະເມັງ ຂັບຟ້ອນເພງແລະຕ່ອຍພາດ ເດຍລະດາດໄປດ້ວຍຄົນເປ້ຍ ແລະຄົນທັ້ອມທັງຫຼາຍ ຢາຍໄປດ້ວຍຊາວມະຄົດຍ່ອມປະກົດມາເປັນຂຸນຄົວ ປົວແລງງາຍ ຍົກຍໍຖວາຍ ແແກ່ຜູ້ຂ້າ ແລະຜາສາດອັນນັ້ນຂໍໃຫ້ມີແຊຊອນກອນປ່ອງຢຽມສີທະເບັງຊອນ ອັນວິຈິດລິດຈະນາແລ້ວ ດ້ວຍແກ້ວ 7 ປະການມີສັນຖານງາມດີແລະມີສຽງອັນມ່ວນເພາະເສາະໃສສຸດ ດຸດຈະດັ່ງສຽງຕຸລີຍະມົນຕີ ຂໍໃຫ້ມີອໍາມາດຜູ້ສະຫຼາດອາດຕົກແຕ່ງຍັງຊີ້ນປາອາຫານທຸກເມື່ອ ຜູ້ຂ້າຂໍພອນອັນນີ້ດອມມະຫາລາດ ເຈົ້າ ເປັນພອນເຊົ້າກ່ອນທັງມວນກໍ່ຂ້າແລ. 2. ນິລະເນດຕາ ຂໍໃຫ້ຜູ້ຂ້າມີຄູ່ພະເນດ ຕາວິເສດຂຽວງາມບໍລະສຸດ ດຸດດັ່ງຕາລູກເນື້ອເພິ່ງອອກມາ ໄດ້ປີຫນື່ງນັ້ນກໍ່ຂ້າເທີ້ນ ກິລິຍາອັນຜູ້ຂ້າປາດຖະຫນາດັ່ງນີ້ ເປັນພອນອັນຖ້ວນສອງກໍ່ຂ້າເທີນ. 3. ປະການຫນື່ງນີ້ ລະພະນູ ຂໍໃຫ້ຜູ້ຂ້າມີທິ່ກ່ວງກົມງາມບໍລະສຸດ ດຸດດັ່ງຂາທະນູສິນ ແລະຂຽວງາມ ດັ່ງດອກນິລຸບົນບານເບັງ ງາມພ້ອມແພ່ງກັບກີບເກສອນພອນອັນນີ້ຂ້າຂໍໄວ້ເປັນພອນອັນຖ້ວນສາມກໍ່ຂ້າ ແລ. 4. ຜູສະດີ ນາມະ ນາເມນະ ຂ້າແຫ່ງເທວະລາດເຈົ້າ ຕົນໄດ້ໃຫ້ທານໃນເມື່ອກ່ອນ ຄັນວ່າຜູ້ຂ້າໄດ້ ໄປເກີດໃນກໍາເນີດ ມະນຸດສະໂລກວົງສາ ກໍ່ໃຫ້ໄດ້ຊື່ວ່າ ຜຸດສະດີສີສຸພັນນະກັນລະຍາ ຕາມພາສາຊື່ເກົ່າ ຜູ້ຂ້າປາດຖະຫນາດັ່ງນີ້ ເປັນສິດທິພະພອນຄໍາສອນອັນຖ້ວນສີກໍ່ຂ້າແລ. 5. ປຸຕະມັງ ລະເພຖະ ວະລະທັງ ຍາຈະໂຍຄັງ ອະມັດສະລິງ ປູຊິຕັ້ງ ປະຕິ ລາຊຫິ ກິດຕິມັນຕັງ ຍະ ສັດສິນັງ ຂໍໃຫ້ຜູ້ຂ້າມີລູກຊາຍແກ້ວ ຜູ້ປະເສີດເກີດໃນທ້ອງຂອງຜູ້ຂ້າແລລູກຊາຍຜູ້ນັ້ນ ຢ່າຮູ້ຖະນີຖີ ເຂົ້າຂອງກອງແກ້ວ ອອກມາແລ້ວຈົ່ງຮູ້ໃຫ້ທານ ແລເປັນທີ່ອາໃສເຂົ້າໄປສູໄປຫາແຫ່ງຫມູ່ຍາຈົກວັນນິພົກ ຄົນຂໍ ແລໃຫ້ລືຊາປະກົດດ້ວຍຍົດສັກກຽດໄຕ ເປັນທີ່ໄຫຼເຂົ້າມາສູ່ມາຫາແຫ່ງມູທ້າວພະຍາ ມາພໍ່າພ້ອມ ນ້ອມຕໍ່ພະລາຊະສົມພານ ຖວາຍບັນນາການທຸກເມື່ອກໍ່ຂ້າເທີ້ນອັນນີ້ເປັນພອນອັນຖ້ວນຫ້າແກ່ຜູ້ຂ້າແລ. 6. ສັບພັງ ເມ ທາລະຍັນຕິຍາ ມັດຊິມັງຄັງ ອະນຸນນະຕັງ ເມືອຜູ້ຂ້າຊົງຄັບພະລູກແກ້ວຜູ້ປະເສີດ ເກີມມາດ້ວຍບຸນສົມພານ ຂໍຢ່າໃຫ້ທ້ອງຜູ້ຂ້າໃຫຍ່ຍວດ ສວດພົ້ນປະມານດັ່ງຍິງສາມານຄົນຖ່ອຍ ຂໍໃຫ້ ມີທ້ອງນ້ອຍແອວກິ່ວກົມງາມບໍລະສຸດ ດຸດຈະດັງຂາທະນູອັນຊ່າງຜູ້ສະຫຼາດ ຫາກມາຂູດເກົາເຫຼົາກ້ຽງ ກອມກົມງາມກໍ່ຂ້າເທີ້ນ ອັນນີ້ເປັນພອນອັນຖ້ວນຫົກກໍ່ຂ້າແລ. 7. ຖານາ ເມ ນັບປະວັດເຕຍະຍຸງ ເມືອຜູ້ຂ້າປະສູດລູກແລ້ວ ຂໍໃຫ້ມີນົມຫນຸ່ມຖົງເຕັມງາມ ເຫມືອນດັ່ງ ນົມສາວຮາມ 16 ເຂົ້າ ຂ້ານ້ອຍຂໍພອນອັນນີ້ດອມມະຫາລາດເຈົ້າເປັນຄົມລົບເຈັດກໍ່ຂ້າແລ. 8. ປະລິຕາ ນັດສັນຕຸ ວາສະວະ ຂ້າໄຫວ້ພະອິນເຈົ້າ ຂໍໃຫ້ຜູ້ຂ້າມີພະເກດເກົ້າໂມລີ ເກສີຂຽວງາມ ສຸດຂະຫນາດ ຕັ້ງແຮກແຕ່ຊາດເກິດມາ ເຖິງເຖົ້າຊາຣາ ປະລິຕາ ຜົມເສັ້ນຫງອກຢ່າໄດ້ອອກມາແກ້ມເກົ້າ ແມ່ນວ່າເຖົ້າແລ້ວກໍໃຫ້ດໍດີແລະດູງາມ ເຫມືອນດັ່ງສາວງາມຊື່ນຊ້ອຍ ຂ້ານ້ອຍຂໍພອນອັນນີ້ ເປັນພອນ ອັນຖ້ວນແປດ ກໍ່ຂ້າແລ. 9. ກາເຍ ຣະໂຊ ນະ ລິມເປຖະ ຂໍໃຫ້ຜູ້ຂ້າມີພະກາຍກົງ ອົງຄະເນື້ອຕົ້ນກ້ຽງໃສ່ຊ່ອງຜ່ອງຫຼາຍຜິວ ຢ່າໃຫ້ຜົງທຸລີປິວຕິດໄດ້ ອັນນີ້ເປັນພອນອັນຖ້ວນເກົ້າ ມະຫາຣາດເຈົ້າຫາກໃຫ້ເປັນທານແກ່ຂ້າແລ. 10. ວັດຊັນຈາປີ ປະໂມຈະເຍ ປະການຫນື່ງ ຂ້າໄຫວ້ເທວະຣາດເຈົ້າ ຄົນຝູງໃດບົວລະບັດຜິດທຸຈະຣິດ 3 ປະການ ມີຕົ້ນວ່າ ປານາຕິບາດ ອະທິນນາທານ ມິດສາຈາຣະໃຈໂຫດໂທດຝູງນີ້ ຜູ້ຂ້າຂໍອະໄພ ໃຫ້ພົ້ນຈາກຄອກຂັງກັງຄາ ຜູ້ຂາຍປາຖະຫນາເອົາພອນທິບອັນນີ້ເປັນຖ້ວນສິບ ແລ້ວທັງມວນກໍ່ຂ້າແລ. (ພະຍາອິນປະສາດພອນ) ສັກໂກ
ອາຫະ ເມື່ອນັ້ນ ບັ້ນອີນທາທິຣາດ ຈັກໃຫ້ນາງນາກຍິນດີ ເຊີ່ງຣາດໄມຕີຂອດໄວ້ແລ້ວ ຍັງ
ພະພອນແກ້ວ ອັນຈັກໃຫ້ແລ້ວດັງນາງປາຖະຫນາ ຈິ່ງກ່າວຄາຖາວ່າ ເຍ ເຕ ທະສະ ວະຣາ ທິນນາ
ມະຍາ ສັບພັງຄະໂສພະເນ ດັ່ງນີ້ເປັນເຄົ້າ ດູຣາເຈົ້າສີສຸພັນນະກັນລະຍາ
ອັນປະກອບໄປດ້ວຍເຜົ່າຜາງ ກາງເນື້ອ ຕົນເອງຄະໃຫຍ່ນ້ອຍ ງາມຍິງຍ້ອຍສຸດປະລິມານພອນທິບ 10
ປະການ ອັນເຮົາຊິຫາກໄດ້ໃຫ້ເປັນທານແກ່ເຈົ້າ
ເຈົ້າຈົ່ງຖືເອົາຍັງພະພອນທັງມວນນັ້ນ ໃນເຂດຊົງກົງມົນທຽນຜາສາດ ແຫ່ງພະຣາສີວີຣາດ ໂດຍ
ດັ່ງເຈົ້າປາຖະຫນາບໍ່ສົງກາກໍ່ມີແລ. ຕະມັດຖັງ ປະກາເສນໂຕ ສັດຖາ ອາຫະ ພະທັດພົນຕົນເປັນຄູ່ສັ່ງສອນ ຍັງສັດຕະນິກອນບໍ່ຂາດ ໃຫ້ ພົ້ນຈາກອົງຄະສົງສານ ໃຫ້ເຖີງນິຣະພານ ຈີຈ້ວຍໆ ຈີ່ງໄດ້ຊື່ວ່າສັດຖາ ປະກາເສນໂຕ ອັນຈັດສໍາແດງຍັງ ອັດຖາທໍາດວງນັ້ນ ໃຫ້ປາກົດຈິ່ງກ່າວເປັນຣົດສະຄາຖາວ່າ: ອະຫັງ ວັດຕະວານະ ມະຄະວາ ເທວະຣາຊາ ສຸປະຕິ ພິກຂະເວ ດູຣາພິກຂຸທັງຫຼາຍ ມະຄະວາ ອັນວ່າ ພະຍາອິນສຸຣິນທາທິຣາດ ຕົນເປັນຜົວນາງນ້ອຍນາກສຸຊາດາໄດ້ຊື່ວ່າ ມະຄະວວານ ຕາມບຸບພະຄາໂວ ຫານເມື່ອກ່ອນ ຄັນວ່າກ່າວພະຣາດຄາຖາອັນນີ້ແລ້ວ ແລໃຫ້ຍັງພອນທິບ 10 ປະການ ເປັນທານແກ່ ນາງສີສຸພັນນະວຸດສະດີ ກໍ່ມີໃຈຊົມຊື່ນຍິນດີມາກຍິ່ງຫນັກຫນາ. ທະສະວະຣະຄາຖາ ກິລິຍາອັນພັນນະນາຍັງທັດສາພອນ ເອກູນະວີສະຕິຄາຖາປະຕິມັນດີຕາ ອັນປະດັບ ປະດາໄປດ້ວຍຄາຖາທັງຫຼາຍ ປະມານ 19 ພະຄາຖາ ນິດຖີຕາ ກໍ່ສະເດັດບໍຣະບວນຄວນເທົ່ານີ້ກ່ອນແລ. |
